عيب يحتاج تحليل لانه غريب فعلا

[عطية حسن محمود]

جهاز برنس احمد بهجت 40 قناة
الجهاز عامل خط افقى مع وجود صوت ياسلام اكيد عيب سهل
تم اخذ الجهود على اىسى الاخراج الراسى وجدت تمام وعند وضع اشارة عليها يفرد الجهاز
قلت تمام خلاص كدة العيب بالام وقبل مااقرب لها فجاة فرد الجهاز تمام قلت كدة حلو ياشرخ
بالجهاز يامكثف ناشف يالحام مفكوك ولا مجنزر يا سلام عيب سهل خالص واقول فى سرى امتى
تيجى اجهزة عيبها خبيث من اللى بسمع عليها بالمنتدى ويا ساتر يارب اتارينا فى ليلة القدر وكنت مش اخد بالى وربنا استجاب لى فى الحال ماعلينا نرجع للجهاز
اخبط عالشاسيه واهزه انه يعمل خط تانى ابدا قلت خلاص نعيد لحامات الراسى كله ويبقى تمام
وبالمرة مش مشكلة نغير كل المكثفات الخاصة بالراسى وبعد كل ده فجاة الجهاز رجع عمل خط
ياسيدى غير اى سى الام بس مافيش فايدة طب غير الفرد بردة مافيش فايدة الله وبعدين طب انا عنيد قوى غير كل قطع الراسى واليوك والاى سيهين ما انا عندى منهم كتير ومش مهم
وبردة مافيش فايدة وفجاة بدوس على برس القنوات فرد الجهاز تمام الله طب اعمل خط تانى ابدا
طب ندوس البرسات تانى فوجئت انه فارد على كل القنوات الا القناة رقم 16 بيعمل عليها خط
قلت يمكن اضاءة الصورة عالية فى القناة ده ابحث تانى وفعلا بحثت على القنوات
وجدت الاتى الصورة ابيض اسود بها Shift ازرق قلت سهلة راجع الabl والتباين والاضاءة
وطلع كله تمام طب وبعدين غيرت المايكرو والذاكرة واللاين كمان ماهوكله موجود عندى ومايخسرش
وبردة العيب هو هو طب والله لمجرب الشاسيه على شاشة تانية سليمة وتمام وجدت نفس العيب
برده للامانة كان فيه تحميل على السريا بسيط عند وضع السرفيس سويتش فى وضع الصورة
سهلة غيرت كل حاجة فى سكته ولسة مافيش فايدة وغيرته هو برده مافيش فايدة
سبحان الله امنت بالله اللى استجاب دعائى
ياريت اللى عنده تحليل للعطل يدلنى عليه
تحليل؟
تحليل؟
تحليل؟؟؟؟؟؟
وشكرا

[seso100100]

اخى تتبع خط ال 12 فولت الخارجه من اللاين الى ال اى سى الام ربما هو هذا السبب والله الموفق

[البرديسى]

بسم الله الرحمن الرحيم مهندسنا الغالى واضح من كلامك أنك فنى محترف بس ينقصنا حاجه مهما جداَ تتبع العيب عند حدوسه مثل أشارة الفرتكل من أول مذبذب الفرتكل حتى اليوك أثناء العيب وتغذية مراحل الفرتكل والله الموفق

[khamis54]

السلام عليكم
مهندسنا عطيه حسن تحياتي وكل عام وانتم بخير
القصه طويله ولكن هل نستطيع ان نلخصها في الاتي
ظهور خط افقي (عيب راسي) عند المحطه 16
وجود شيفت في الاضاءه
عدم وجود الوان
برجاء الافاده

[عطية حسن محمود]

الاخوة الاحبة نعم كل مراحل الراسى سليمة كذلك ال 12 فولت
الاخ م/خميس 54
نعم كل ما ذكرت ولكن ليس المحطة 16 فقط لكن اتضح ان هناك محطات اخرى يظهر عليها نفس العيب
وبعضها يعطى استطالة راسية مع خط ابيض بالوسط وبعضها خط ثم فرد وهكذا
انا واثق ان العيب له علاقة بالاضاءة دليل ذلك ظهور الشيفت وكذلك التباين لانقطاع الالوان والشيفت
بس فين وليه بيظهر لما نغير بعض المحطات
ارجو التحليل للاهمية
وشكرا

[usama2276]

الاخ المهندس /عطيه حسن
العيب ده فعلا له علاقه بالاضاءه دليل ذلك كما قلت ظهور Shift ازرق
والعيب يظهر علي بعض القنوات دون الاخري وذلك لاختلاف درجة الاضاءه من قناه لاخري
لاحظ اي اختلاف في الفولتات اثناء ظهور العيب
راجع ثانية خط ABL
خالص تحياتي

[عطية حسن محمود]

تم مراجعة خط ال abl والاضاءة وكله تمام
فما هو السبب
اريد التحليل
وشكرا

[hany_national]

السلام عليكم
مهندسنا الجامد قوى بعلمة وكفائتة مهندس عطية حسن
نبضة scc من طرف 5 فى الاين مرورا R244 . عبر VD243 اشارة Y الى المتكاملة الام طرف 24
ثم من الكليكتور V241
الى بوردة الشاشة اشارة Y .
وشكرا

[عطية حسن محمود]

الاخ الكريم/هانى
كلامك كان سبب فى اصلاح العيب فمع تتبع الخط الذى ذكرته اتضح انه يصل الى كارتة الشاشة بطرف يسمى kp وبالتتبع اكثر اتضح انه يتصل باللون الاخضر الخاص بالكتابة الخارج من المايكرو عن طريق ترانزستورات ثم يعاود الاتصال بالترانزستور الذى ذكرته عن طريق الدايود المذكور اذا فعلا عند الضغط على البرسات تخرج نبضات الكتابة وعند زيادة اضاءة الصورة يحدث الخلل المهم تم تغيير الدايود برغم ان قياسه سليم وعمل الجهاز تمام
الله ينور عليك اخى الكبير اوى
الباشمهندس/هانى ناشيونال
وشكرا

[م.وليد الفرا]

معلش سؤال غبي شويه لكن لازم اسئله:
ما المقصود بخط Abl
ارجو ان يشرحه احد الاخوة لي بالتفصيل
كمان اذا ممكن احد الاخوة يوجهني الى موقع بالعربي او بالانجليزي اجد فيه معلومات حول التلفزيون او شاشات الكمبيوتر
ولكم جزيل الشكر
اخوكم مهندس وليد

[عطية حسن محمود]

خط ال abl هو بمثابة الارضى الخاص بالفولت العالى جدا على الشاشة extra high tension(eht)
وكذلك للاسكرين والتحكم بهذا الطرف يحكو الفولت العالى والاسكرين ولكن كيف
هذا الطرف يمثل جهد سالب (ارضى) وعند حقنه بجهد موجب (من التغذية واحيانا من ال 12 فولت واحيانا من تغذية الراسى)يعتبر كانه مقاومة متغيرة مع الارضى يحكمه فى ذلك شدة الاضاءة اى زيادة الاسكرين فتزيد سالبيته فينخفض الجهد عليه ويتصل هذا الطرف اما بتحكم الاضاءة automatic bright level(abl)
او بتحكم التباين acl او الاثنين معا abcl ويطلق عليه هنا automatic beam level
وعند زيادة اضاءة المشهد تزيد سالبيته فيقل الجهد الموجب الواصل اليه (مجموع السالب والموجب) وبالتالى يقل
جهد تحكم الاضاءة او التباين فتنخفض الاضاءة فيحافظ بذلك على الشاشة من السبركة اى تلفها
وهو يتصل ايضا بالحماية الخاصة بالجهاز فعندما يقل الجهد الموجب عليه جدا اما يفل الفرد الراسى او الجهاز نفسه
اتمنى ان اكون افدتك فى ذلك
وشكرا

[usama2276]

:clp: :clp: :clp:

[hany_national]

السلام عليكم
الله عليك صديقى العزيز مهندس عطية حسن محمود نتمنى مشاركاتك الدائمة
لافادة الجميع و بخبرتك العالية الممتازة
اكرر شكرى لك

[م.وليد الفرا]

الاخ الفاضل مهندس عطية حسن محمود
شكرا جزيلا على الرد
انا صراحه اخذت فكره لكن اشعر ان الموضوع كبير وهام ولا يجوز لمن يريد صيانة هذه الاجهزة - لاجوز ان لا يكون ملم بالتفاصيل لذل لو سمحت ممكن توجهني الى مصدر مفيد وياحبذا ان كان من النت لان الكتب شحيحة جدا في غزه خاصة في مواضيع الصيانه
بارك الله فيك

[عطية حسن محمود]

اخى العزيز walid66
معظم الكتب غير مجانية بالنت ولكن لديك بالقرية شرح لجهازين جولدى للاخwayakوكذلك شرح للجولد ستار للمهندس/خميس برعى
كذلك موقع
notes on the troubleshooting and repair of television set
ارجو الافادة لك وارجو من كل الاعضاء من لديه موقع تعليمى او كتب ان يتفضل باضافتها
وعاشت فلسطين حرة عربية مستقلة
وعاش شعبها رمز البطولة وشرف الامة العربية
وشكرا

[م.وليد الفرا]

جزاك الله خيرا اخي الفاضل مهندس عطية حسن محمود
عاشت مصر زعيمة الامة العربية
وعاشت الامة الاسلامية جمعاء