شاشتين Lg Cb221bu هيجننوني

[Moha4Soft]

بسم الله الرحمن الرحيم

الأعضاء الكرام .... السلام عليكم ورحمة الله وبركاته

عندي مشكلة كبيـــــــــرة وفظيعة في
شاشتين LG CB221BU

الاولي لصديقي والتانية لي
المشكلة بأختصار أني كنت جايب الشاشة الأولي لصديقي وشاري لي وحدة زيها المهم صديقي كان بيلعب في البرنامج بتاع الشاشة وبيظبط الاضاءة وحجم الصورة وما الي ذلك الي هي من زرار OSD
فراحت الشاشة جايبة مع شاشة بيضة مكتوب في النص ( No Signal ) وهي بتعمل كده ديما لما ميكنش متوصلة بحاجة ( كمبيوتر أو تي في بوكس ) مع العلم ان الشاشة زي ما قلت لكم LG موديل CB221BU وهي 21 بوصة

انا الصراحة استغربت المشكلة وقلت يمكن بايظة من جوة ولا حاجة لأني معنديش أي خبرة في صيانة الشاشات فقلت أدور في البرنامج بتاع الشاشة الي عندي ( لأنهم نفس النوع ) علي اي حاجة ممكن افهما واتكون هيا السبب المهم قلبت شوية كده في الخصائص فراحت عملة نفس المشكلة بتاعة الشاشة الي عند صحبي
لدرجة اني هخبط راسي في الحيطة من المشكلة دي :mad6: مع العلم اني لما بضغط علي الزار مبيجبش البرنامج ولا اي حاجة هي الشاشة بيضة وكلمة No Signal في النص وخلاص .:know:

والله يا جماعة انا معنديش أدني شك ان فيكم ناس مهندسين وعباقرة وعلشان كده علطول رحت كاتب الموضوع هنا
اتمني ان محدش يبخل عليا بالعلم الي ربنا كرمة بيه
واسف جدا جدا اني طولت عليكم
وتقبلوا خالص أحترامي وتقديري

[الباسم.حسن يوسف]

بسم الله الرحمن الرحيم

اخى :

المشكله عندك فى الايبروم ( الذاكره) وهذا يتطلب فنى يمتلك البرنامج الخاص بنوع الشاشه او ايبروم مشحون بنفس البرنامج ولنفس الموديل

[Moha4Soft]

جزاك الله خيرا مشرفنا الكريم

طيب هل يتطلب ذلك فك الشاشة وازالة اجزاء او تركيب أجزاء من الداخل
ام ماذا ؟؟

وأسعدني مرورك الطيب

[الباسم.حسن يوسف]

جزاك الله خيرا مشرفنا الكريم

طيب هل يتطلب ذلك فك الشاشة وازالة اجزاء او تركيب أجزاء من الداخل
ام ماذا ؟؟

وأسعدني مرورك الطيب

بسم الله الرحمن الرحيم
اخى :

نعم سيتطلب ذلك فك ic ثمانية ارجل وتركيب اخر مشحون مكانه وهذا فى حالة توفر الايبروم المشحون بنفس البرنامج

[Moha4Soft]

جزاك الله خيرا أخي

وأعانك علي ما يحب ويرضي

[Moha4Soft]

طب لو سمحت يا جماعة هل هذا النوع متوفر في الأسواق ( في مصر )

لأن الشاشة دي أستعمال الخارج وخايف انه ميكنش موجود الـ Ic ده في مصر

أفيدونا جزاكم الله خير

[MhsMooDY]

مع احترامى لرد الاخ الباسم فهناك تعليق بسيط وهو ان معظم شاشات ال 21 تستخدم مخرجين لكابل الداتا المخرج العادى بتاع معظم الشاشات والمخرج الثانى لا اعرف له كابل ولم اره وبحثت عنه كثيرا لم اجده وهناك امكانية التحويل من مخرج الى الاخر
اعتقد انك ما قمت به هو تحويل الشاشة من المخرج الاول الى المخرج الثانى وقد حدث معى نفس المشكلة ولم اجد حلا سوى ان افك الشاشة واجرب ان اركب اطراف كابل داتا من الداخل مكان المخرج الثانى فلم اصل الى نتيجة لان الاطراف مختلفة تماما
نرجو من الاخوة الاعضاء مساعدتنا فى هذه المشكلة فهى كثيرة جدا فى الشاشات ال 21 واعتقد ان العباقرة امثال الاخ الباسم والاخ سامر من الممكن ان يفيدونا

[Moha4Soft]

فعلا يا اخي يوجد كابل بجوار كابل الداتا ( شكله غريب )
وايضا يوجد مداخل Usb

أفيدونا يا اخوة جزاكم الله خير

شرفني مرورك يا باشا

[MhsMooDY]

اذن تاكد ظنى فيما حدث معك ، فانت قمت بتغيير الاعدادات للشاشة وغيرت المخرج الى المخرج الاخر وحيث انه لايوجد كابل داتا متصل بالمخرج الاخر فتعطى لاتوجد اشارة
الى هذا الحد وينتهى دورى ، ارجو من الاخوة الكرام مساعدتنا فى هذه المشكلة فهى كثيرة الحدوث جدا ولا اعرف لها حل مع ملاحظة ان هذه الشاشة لها كابل داتا منفصل اى يتم تركيبه ونزعه من خارج الشاشة اى لايتم اتصاله بالشاشة من الداخل بل بكابل منفصل

[Moha4Soft]

اه فعلا كده شكله هو الي حصل
والكابل زي ما انت قلت فري بينفك ويتركب عادي

أفيدونااااااااااااااااااااااااااااا يا جماعة الخيـــــــــــــــــــــــــــــــــــــــر

[Moha4Soft]

اية يا جمااااااااااااااااااعة
فينـــــــــــــــــــــــــــــــــــــــــــــــ ـــــــــــــــــــــــــــكم

[احمد عايش]

السلام عليكم ورحمة الله وبركاته
فعلا المشكلة كما قال الاخ العزيز محمود بانك قمت بتغيير اعدادات البرنامج الخاص بالجهاز
وعندما قال الاخ الباسم بانك محتاج لايبروم فاجبته انت بانه هل يلزم فك الجهاز ام لا ؟
بدون الخول باي تفاصيل الشاشة التي بحوزتك وكما قال الاخ الباسم محتاجة لشحن الايبروم الخاص بها
او برنامج للتعامل مع قوائم الشاشة
1 - الايبروم للاسف مش موجود عندي ولاكنة موجود على مواقع النت وثمنة 7.5 دولار يباع عن طريق فيزا كارت
2 - البرنامج الخاص بالشاشة والتعامل مع القوائم الخاصة بالمعايرة وحتى اضافة ايبروم وهو بدون فك الشاشة
هو موجود عندي ولاكنة صعب بالتعمل معه
لانه كيف تتعامل مع البرنامج والشاشه لا تعمل
اذا فانت محتاج لدائرة الكترونية لربط شاشة اخرى تعمل للعرض
اخي كل هذه الاشياء موجودة عندي
ولاكنه صعب عليك بحسب اعتقادي
انك مبتدء
اما اذا كان لديك اصدقاء فنيين تعرفهم وخاصة من المنتدى للمساعدة فانا مستعد لارسال كل المعلومات التي املكها لك
ليستفيد منها الجميع
اخيكم في الله ابو احمد