مشكلة فى تليمصر nec 20 بوصة أبوترنس الى خبراء الصيانة [الأرشيف]

magdy gomaa

11-01-2008, 02:08 AM

السلام عليكم ورحمة الله وربكاتة
الأخوة الأفاضل خبراء منتدى القرية الألكترونية / تحياتى لكم أولآ
طبعآ نفسى أكون معكم بشكل يومى حتى نتعلم منكم الكثير فى أمور الصيانة
ولاكن لسة وحتى الأن لم القى حد يشترك معى فى دى اس ال وربنا يسهل
واليوم جهاز
المشكلة فى الجهاز تليمصر ان اى سى وصول التيار حتى مكثف التنعيم فقط
طبعآ الترنس مدخل 110 لحد مكثف التنعيم فقط
ومن القياسات يوجد مكثف 160/3.3فولت بجوار مكثف التنعيم تالف تم تغير
عشان من غير دائرة باور وخبراتى على أدى أرجوا التوجية فى هذا العطل
تم قياس الترنسيستورات الكبيرة
C1358 /ترنسيتور اللاين
C1106 /الترنسيستور الموجود بجوار مكثف التنعيم
سلام والتيار واصل حتى مكقف التنعيم الكبير ويوجد علية 110فولت وبعد كدة لايوجد أى خرج بعد هذا المكثف
بأثتثناء مكثف بجوارة صغير 160/3.3فولت غيرتة كان تالف
والعيب مزال قائم لايوجد أى خرج أبعد من ذلك
فأرجوا الأفادة وماهى الخطواط للوصل للعطل فى مثل هذة الأجهزة ذات الترنس
برجاء تحديد العطل هل مقاومة فيوزية ولا مكثف
وأرجوا ومع العلم أخوكم بيتعلم منكم بالراحة على ومفيش داى تقولولى لم عدتك تانى يأخوان
المعلومة تكون على قد بادىء ولسة بنتعلم منكم عشان معنديش رسم للجهاز
وأ خص بالذكر الأساتذة مصطفى بحرى و الأستاذ خميس 54 وباقى الأخوة الأفاضل مهنسى الصيانة

nec CV-20P530 SB تليمصر 20 بوصة أبوترنس موديل
يعمل بالأيسيهات التالية
IC / UPC 1384C
IC / AN5410
IC / TA7621P
IC / TA7146P
C1358 /ترنسيتور اللاين
C1106 /الترنسيستور الموجود بجوار مكثف التنعيم

الباسم.حسن يوسف

11-01-2008, 02:50 AM

بسم الله الرحمن الرحيم

اخى:

المشكله فى هذا الموديل هى أن مكونات البور كثيره ولكن العمل وصيانته ليست صعبه سأكتب لك المطلوب مراجعته:
1-TR 601 ،TR602 ، TR603
2-ZD601 ،D605،D606 ،D607
3-المقاومات 601، 602 ،603 ،604 ،605 ،606 ،607 ،608 ،608 ،609 ،610 ،612
وأعلم بأنه لو كان هناك شورت فى مرحلة الصوت فلن تجد أستنتاج من البور لانها تغذيه مباشره وأيضآ يوجد فيوز ثانى بخلاف الموجود فى دائرة البور موجود بجوار اللاين
ملحوظه:
قيم هذه المكونات ليست موجوده حاليآ لانها فى الورشه وأنا فى المنزل

سعيد شعراوى

11-01-2008, 02:54 AM

يا أخى مجدى أنت لسة فاكر
أخى هل يوجد فولت على ترانزيستور الين ولا لاااااااااا
على ما أتذكر يوجد أى سى 3 أطراف غلى مبرد شبيه باترانزيستور المعدنى (معلش الموديل قديم وأستجملنى)
أيطا يوجد بجوار المكثف الكبير مقاومة لونها رصاصى 2 وات وقيمتها حوالى 2.2 أوم حاول تقسها

لو موجود فولت على ترانزيسنور الين
شوف يوجد فولت تغذية المذبذب الأفقى على أى سى تقريبا la 7800 (اعزرنى فى تذكر الأرقام)
هل يوجد فولت على مجمع c (الكليكتور) ترانزيستور الحافز الأفقى وهو موجود بجوار الين
يلريت تذكر لنا هذة الخطوات وأحنا جميعا معك
وأنا بالأخص يا عم مجدى( أنت جمل بتنساش)

سعيد شعراوى

11-01-2008, 02:57 AM

أسف أخى الباسم كنت بكتب فى نفس الوقت ومشفتش مشاركتك

الباسم.حسن يوسف

11-01-2008, 03:06 AM

أسف أخى الباسم كنت بكتب فى نفس الوقت ومشفتش مشاركتك
بسم الله الرحمن الرحيم

اخى العزيز / سعيد شعراوى
صباحك كله خيرات وبركه وتوفيق ونجاح
( كلنا رجل واحد نسعى الى هدف واحد وهو الرقى)

مصطفى بحرى

11-01-2008, 05:48 AM

بسم الله والصلاه والسلام على رسول الله
أخى الفاضل
كلنا بدأنا من الصفر أو من تحته الحمد لله وجدنا من يقف بجانبنا ويعلمنا
لاينفع التعليم وحده بدون الممارسه العمليه والميدانيه لإكتساب الخبره والمهاره
اصبر وتوكل على الله اليوم أنت تسأل غدا تسئل وبإذن الله ربنا سيكرمك
بسم الله الرحمن الرحيم
((إقرأ باسم ربك الذى خلق.خلق الإنسان من علق.إقرأ وربك الأكرم.الذى علم بالقلم.علم الإنسان مالم يعلم))
دائره الباور عند الترانزيستورC1106 يكون على الجسم الخرجى للترانزيستور خرج مكثف التنعيم (الرفع)+110 واصلين له عن طريق مقاومه فيوزيه إختبر وقيس أولا

magdy gomaa

11-01-2008, 10:15 PM

السلام عليكم ورحمة الله وبركاتة
الأساتذة الأجلاء أنا لم أنساكم وبرى يعلم لو لدى Dsl لن اترككم لحظة
وتحياتى لكم جميعآ
الأستاذ/ حسن يوسف المشرف
والأستاذ / سعيد شعراوى
والأستاذ / مصطفى بحرى
وكل أعضاء منتدى القرية المحترمين
وأنتم بتحرجونى بأخلاقكم العالية وأشكركم على التعاون الجميل منكم
وأتمنى أن أصل للعطل سريعآ لأنكم كما تعلمون كل صاحب جهاز بيبقى مستعجل
وأنا كما قلت لست محترف مثلكم وربنا يسهل بأذن الله وتعاونكم معى سوف أكون جيد الى حدآ ما
وأنا فى أنتظار أى معلومة أخرى حتى أقوم بردودكم الجميلة وعمل الأختبارات اللازمة
وهل كل الأجهزة التى تعمل بالترنس لايوجد لها Str معلش أنا قلت لسة بتعلم منكم
لآننى لاخظت لايوجد تحديد على أجذاء الباور ولا Str
وأنا فى أنتظار تعاونكم معى وربنا يكثر من أمثالكم
وةتحياتى للجميع
أخيكم / مجدى جمعه

مصطفى بحرى

12-01-2008, 12:58 AM

بسم الله والصلاه والسلام على رسول الله
يوجد أنواع بترانس ولها STR
مثل لورد- NEC وأنواع أخرىمش متذكر الآن
يأخذ 220 ويخرج 110 لل STR منها معدنى شبه C1106 لكن ب3أرجل
والرابع الجسم مثل STR370-372-380-450=456
موديلات قديمه وفى رأييى أأمن من حيث التشغيل

magdy gomaa

12-01-2008, 11:16 PM

السلام عليكم ورحمة الله وبركاتة
الأخوة الأفاضل مهندسى القرية
تحياتى أولآ
الأخ الفاضل المهندس / الباسم حسن يوسف المشرف
بعد التحية وأشكرك وأشكركم جميعآ للمعاونة
-:وبعد تم عمل الأتى

1- TR 601 ،TR602 ، TR603
2- ZD601 ،D605،D606 ،D607
3- المقاومات 601، 602 ،603 ،604 ،605 ،606 ،607
،608 ،608 ،609 ،610 ،612
وجميعهم سلام وبخصوص قياس المقومات تم قياسها وهى فى الدائرة لأن على حسب علمى المقاومة عند تلافها تفتح ولاتقراء ولو المعلومة خطىء أرجوا تصحيحها وأقبل نصيحتكم دائمآ
ثانيآ
وجد D602 كان تالف لة رجل مكسورة وتم أستبدالة بأخر وهوا شبية هاى فركوينسى وعند
قياسة كان سليمآ للعلم فقط حتى ليدخل فى الموضوع القادم

ثالثآ
وجدت الفيوز رقم F601 الموجود بجوار ترنسيتو C1106 الخاص بالباور كان شورت
وأعتقد أنة خاص بالباور وتم أستبدالة بأخر

رابعآ
عند التجارب تبين الأتى
1- يوصل الجهاز بالكهرباء من خلال السرية طبعآ أضاءة اللمبة أضاءة كاملة
مع وجود صوت زنة الترنس فى البداية وتغيرت بعد ذلك

2- وعند قياس الفولت على مكثف التنعيم يوجد 27 فولت فقط مع أضاءة كامل للسرية
3- وc1106 20 فولت وtr302 20 فولت أيضآ ورجل 6 من اللاين 12 فولت و RK8 16 فولت و TR903 20فولت علىC. فقط وtr902 فى سوكيت الشاشة 20فولت
4- على c1358الخاص باللاين 10فولت على c. فقط
5- ولايوجد أى فولت للفتيلة طبعآ
6- لايوجد أى فولت على الرالية فى هذة المرحلة ولا AN5510 بجوار اللاين أعتقد مثل STR على مبرد كبير بردة ولاكن لايحمل كلمة STR ولذلك أمس سألت على علية

كل هذة البيانات فى أثناء لآول مرة فى التوصيل لآن اللى قادم غريب شوية
ملحوظة هامة جدآ
1- عندما أقوم بتقرار نزع الفيشة لحوالى أكثر من عشر مرات ودخولها بالكهرباء يتم أطفاء السرية وتبقى على ضوء مثل ضوء السخان ليس أكثر وسماع صوت زنة نابعة من اللاين وتستمر لبضع دقائق مع خروج هذة الزنة بشكل تدريجى حتى لاتسمع
2- وعند القياس فى هذة المرحلة من التجربة يوجد على موجب المكثف الكبير 114فولت وعلى الترنسيستور C1106 114فولت على ال C. وعلىC1358 27فولت على C.
3- RKعلى سوكيت الشاشة = 24 فولت وBKعلى نفس السوكيت =24فولت
4- وc1358=24فولت على c. 30 فولت على c606
5- 24فولت على c508 المجاور للمكثف الكبير على أحد رجولة
6- 14فولت على c323 و23فولت على c324 114 فولت على r603 114فولتr602
7- 25فولت على r605 و24فولت على d605 29فولت على سالب d606
8- 9.4على سالبzd601
9- 28فولت على C.tr601 وعلى E. 08فولت
10- 23فولت على C.TR302 وعلى E. 14 فولت
11- 23فوات على C.TR602 وعلى E. 23 فولت
12- 25 فولت على دخل الترنس الصغير رقم T301 25فولت على المقاومة الملحقة بة R325 وبالتالى لايوجد على خرج الترنس أى فولت
13- 22فولت على رجل 9 فى اللاين وأيضآ 22فولت على رجل 6 فى اللاين

علمآ لايوجد أى باور فى كلا التجربتين على الريلية DL701 وأيضآ فى التجربتينعلى ال AN5510

ولايوجد أى خروجات فولت فى مناطق أخرى أتمنا أن أكون قدرت أوصل المعلومات لكى تحل هذة المشكلة ودعائى لكم جميعآ بدوام الصحة والعافية وفى أنتظار ردكم الكريم والتوجية والنصيحة

أخيكم/مجدى جمعه

magdy gomaa

12-01-2008, 11:31 PM

أخى الفاضل الأشتاذ / مصطفى بحرى مساء الفل وتحياتى لك أولا
وثانيآ بعد الأطلاع لقيت أى سى AN5510 على مبرد أعتقد أنة ممكن يكون ال str بهذا الرقم مش عارف أنا محتاس فى هذا الجهاز وعايذ أحس أننى ممكن أعمل حاجة فى موضوع صيانة التلفزيون أحسن بقى شكلى وحش مساء الفل على الجميع

الباسم.حسن يوسف

12-01-2008, 11:57 PM

بسم الله الرحمن الرحيم

أخى العزيز/ مجدى

تحياتى اليك على هذا الرد الوافى وبأذن الله أذا داومت على هذا المستوى من التركيز وأيضآ هذا التواضع فسوف يكون لك مكانه كبيره جدآ فى هذا المجال بأذن الله عز وجل سبحانه،
أخى:
القياس للمكونات كلها يكون خارج الدائره والمراجعه الكامله بدقه لانه من الممكن ان يكون القياس نتيجه لممانعه اخرى فى الشاسيه وخصوصآ انك لا تمتلك الدائره للمطابقه مع الواقع،
معنى ان السريه بعد التوصيل عدة مرات قد هدأت ان الجهاز بدأ التحميل ولكنك لم تذكر هل يوجد فولتيات مستنتجه ساعتها من ملفات اللاين ام لا؟ نرجوالتأكد
الجهاز الذى لديك لا يعمل فيه STR
AN5510
تعمل فى هذا الموديل كمذبذب افقى وراسى وفى حالة تلفها لن يعمل اللاين،
قم بأخراج ترانزسيستور اللاين من الشاسيه وقم بتجربة الجهاز فى حالة وجود صوت تكون قد تأكدت من مرحلة البور لان هذا الموديل تغذية الصوت من البور كما قلت لك فى المرة السابقه،
تأكد بعد ذلك بالقياس من ترانزسيستور اللاين وحاول ان تقلل الاضائه من الاسكرين فى حالة التجربه النهائيه حرصآ على الشاشه ولتخفيف الحمل عن البور حتى تنتهى من الاصلاح وبعد ذلك تقوم بضبطه مرة أخرى
كل الأمانى بالتوفيق فى حياتك العمليه والعلميه

magdy gomaa

13-01-2008, 01:08 AM

الأستاذ الفاضل تحياتى لك وداعى من المولى عزوجل يديم عليك وأمثلك الصحة والعافية
وبعد نسيت أن اضيف شىء مهم وهوا
أولآ أضيف ملحوظة ممكن تكون مهمة وهى فى التجارب بعد فصل التيار لايوجد أى شحنة على المكثف الكبير كالعادة فى أى جهاز

ثانيآ
أنا قمت بكل هذة التجارب وأنا فاصل سوكيت الشاشة حفاظآ عليها حتى أنتهى من
أعمال الصيانة على حسب معلوماتى أننى ممكن أأخذ الشاسية ألى أى مكان للصيانة
ولذلك فعلت هذا التصرف و كل هذة الخطوات تمت والشاشة مفصولة
وبعد الرد الكريم منك سوف أنزع المكونات التى سبق ذكراها وقيسها بخارج الدائرة
من خلال رفع رجل واحد ولاكن فى أمل بعد هذة الأحداث برجاء الأفادة
وهل أفصل ترنسيستور الخاص باللاين فقط وأعمل القياسات المطلوبة كما ذكرت
وبمنابة الصوت أنا عملت حاجة وهى فكيت أحد أطراف الهاى فركونسى الذى تم أستبدالة D602 وتم التجارب من غير الشاشة السماعة أصدر صوت زمير
أنت لو حضرتك موجود الأن أفدنى
وتحياتى وأدحنا بنتعلم منكم أكيد

magdy gomaa

13-01-2008, 01:13 AM

سبق ذكر الفولت الموجود على اللاين الأتى
22فولت على رجل 9 فى اللاين وأيضآ 22فولت على رجل 6 فى اللاين

magdy gomaa

13-01-2008, 01:16 AM

ولايوجد أى فولت على An5510
تعمل فى هذا الموديل كمذبذب افقى وراسى وفى حالة تلفها لن يعمل اللاين،

magdy gomaa

13-01-2008, 01:20 AM

أيضآ الريلية لايوجد أى فولت داخل ولاخارج

مصطفى بحرى

13-01-2008, 01:24 AM

بسم الله والصلاه والسلام على رسول الله
أخى الفاضل
معلهش نصيبك وقعت فى البدايه فى جهاز تقيل
2- وعند القياس فى هذة المرحلة من التجربة يوجد على موجب المكثف الكبير 114فولت وعلى الترنسيستور C1106 114فولت
لعايه كده حلو دخول تيار لترانزيستور الباورتتبع الخرج 110 من هذه الدائره الى اللاين وعلشان تتأكد إفصل الطرف الأوسط لترانزيستور اللاين وقيس الفولت على مكانه فى الشاسيه لازم يكون موجود 110
4- على c1358الخاص باللاين 10فولت على c. فقط
الاىسى اللى على تبريد مش STR لو صف واحد ممكن تكون رأسى أو صوت
الجهاز ده مافهوش ريلاى على ماأتذكر ده ممكن يكون ديلىلاين فى دائره الألوان
سوف أرى الدائره وأقول لك بإذن الله

الباسم.حسن يوسف

13-01-2008, 01:42 AM

بسم الله الرحمن الرحيم

اخى العزيز/ مجدى

لم أكتب الرد أنتظرت رد أخى العزيز والعظيم مهندس/ مصطفى بحرى، بالنسبه الى AN 5510 هى اخراج راسى وليست مذبذب راسى وافقى كما قلت لك سابقآ ، والمذبذب الافقى والراسى موجود فى IC 401 وهى بجوار مرحلة الصوت

magdy gomaa

13-01-2008, 10:40 PM

السلام عليكم ورحمة الله وبركاتة
الأخوة الأفاضل مهندسى القرية
تحياتى أولآ
الأخ الفاضل / الباسم حسن يوسف المشرف
بعد التحية وأشكرك على المعلومات القيمة التى تم أفادتى بها أمس
-:وبعد تم عمل الأتى

تم مراجعة كل المكونات التى سبق ذكراها خارج الدائرة
أولآ
المقومات : كلها تمام بنفس القيم حسب الألوان الموجودة بها
ثانيآ
D601بريدج
D605
D606 هاى فركونس
ZD601 جميعهم تمام
ثالثآ
TR601 يعطى قراءة على C. = 671 وعلى الE. = 678
RT602 يعطى قراءة على C. = 669 وعلى الE. = 670
RT603 يعطى قراءة على C. = 658 وعلى الE. = 665
ربعآ
تم قساس الفولتات الأتية والترنيستور الخاص باللاين غير موجود بمكانة
الفولت على المكثف الكبير = 130
الفولت على C. ترنسيستور اللاين = 120
والفولت على رجل 6 ،9 من اللاين = 122
والفــــــــــــــــــــــولت على C508 = 122
والفــــــــــــــــــــــولت على C524 = 122
الفـــــــــــــولت على C.TR302= 120
كل هذة القياسات فى عدم وجود ترنسيتور اللاين ولايوجد سماع للصوت الذى ذكرتة
ملحوظة : عند تشغيل الجهاز السرية ليست فعالة الجهازيدخل مباشرآ دون أن توضىء السرية
وتتبعت أكثر من أماكن عدة على المكثفات والمقومات يوجد فولتيات مختلفة والتى لم أراها
فى وجود الترنيستور

ولاكن فى حالة تركيب ترنسيستور اللاين فى مكانة ويتم التوصيل لعدة مرات كما قلت سابقآ
تفصل السرية وتبقى على ضوء شبية بالسخان وعندها تسمع صوت عالى من السماعة
ملحوظة ليس صوت قنوات هوا صوت منبعث من السماعة
وطبعآ الفولتيات التى سبق ذكراة كما هى لاتتغير
الفولت على المكثف الكبير = 26
الفولت على C. ترنسيستور اللاين = 122
وترنسيستور البــــــــــــــــــاور C. = 27
والفولت على رجل 6 ،9 من اللاين = 24

الحاجة الأخير المزبزب الأفقى والرأسى التى شرحتة لى أمس لايوجد علية أىفولت فى كلا التجربتين
وأنا من حاحيتى هل ترنيستور اللاين تالف بدليل عند التغيل لعدة مرات يعمل شورت
فى الدائرة بدليل اضاءة السرية أضاءة تامة
ومن ناحية أخرى الفولتيات موجودة على رجول اللاين التى تم ذكرها 6،9 = 122 فولت
هل المفروض يكون موجود على اللاين أكثر من أثنين رجل لخروج فولتيات أنت أدرى بهذة المعلومات وهل المزبزب بكدة يكون سليم أرجوا الأفادة ولك جزيل شكرى لأهتمامك بى

ودعائى لك بدوام الصحة
أخيكم / مجدى جمعه

magdy gomaa

13-01-2008, 11:00 PM

وعلى فكرة نسيت أذكر حاجة 123 فولت موجودين على أماكن كثيرة فى عدم وجود
ترنسيتور اللاين
rk فى سوكيت الشاشة = 123 فولت
BK فى سوكيت الشاشة = 123 فولت
على C. TR903 فى سوكيت الشاشة = 123 فولت
على C. TR902 فى سوكيت الشاشة = 123 فولت
وأماكن عدة منها المقومات والمكثفات

الباسم.حسن يوسف

13-01-2008, 11:04 PM

بسم الله الرحمن الرحيم

اخى/ مجدى

الحمد لله حاليآ البور سليم
مطلوب منك التأكد بالقياس بالأفوميتر الأنالوج قياس ترانزسيستور اللاين وبعد ذلك تجربة الجهاز بدون سريا وأعلم بأن ترانزسيستور اللاين الخاص بهذا الموديل بدون دايود بين B _E وفى حالة عمل الجهاز تأكد من الضغوط فأن كانت عاليه قم بتقليلها من البوط الموجود بدائرة البور، وأن لم يعمل الجهاز فمطلوب تجربة للاين اخر وهو موجود وسعره رخيص فى الاسواق وأن لم يعمل فسيكون عليك تغيير IC 401 وهو المذبذب ولكن للأسف سعره غالى شويه لذلك اجعله أخر الأمر

magdy gomaa

13-01-2008, 11:14 PM

أخى الفاضل الأشتاذ / مصطفى بحرى مساء الفل وتحياتى لك أولا
وأشكرك على أهتمامك بالموضع ودة المنتظر من وفى الحقيقة أخى الفاضل المشرف مش نسينى ولة كل الشكر على أهتمامة أيضآ بما يقدمة لى من تعاون وأنا وضعت اليوم كل التجارب بين أيديكم الكريمة وفى أنتظار ردكم الكريم من كل مهندسى القرية
ومرة ثانية كل الشكر للمهندس/ الباسم حسن يوسف المشرف
وكل الشكر للمهندس / مصطفى بحرى وشكرى لكل أعضاء قريتنا الجميلة المتعاونة مع الجميع

magdy gomaa

13-01-2008, 11:28 PM

أى الكريم طيب كدة ترنسيتور اللاين سليم لآن فى غيابة بلاقى الفولت موجود على الرجل 6،9 وأماكن كتيرة وترنسيستور الباور
وأماكن عدة هلالمفروض يكون فى خرج على أكثر من هذين الرجلين
6،9 ولذلك رجحت أن اللاين يكون تالف
وهل ممكن حسب ماورد أن أنزع اللاين وأقيسة بالخارج على حسب ماعلمنا من خلال وضع الأفوميتر على الكبل الذاهب لللاين والطرف الأخر يمرر على باقى أطراف اللاين وفى حالة أن يؤشر الأفوميتر يكون اللاين تالف
أرجوا الأفادة

magdy gomaa

14-01-2008, 12:00 AM

الأخ الفاضل / الباسم حسن يوسف المشرف
أرجوا الأفادة
على الكريم على موضوع اللاين
وهل لازم أقيس الترنسيستور بأنالوج
وشكرآ وللعلم الفولط موجود على 6 ،9 من اللاين كماى ذكرت سابقأ فى غياب ترنسيستور اللاين
وشكرآ

magdy gomaa

14-01-2008, 12:10 AM

الباسم.حسن يوسف

14-01-2008, 01:08 AM

بسم الله الرحمن الرحيم

اخى / مجدى

النت جعلنى أتاخر فى الرد عليك
طلبى منك أستخدام الأنالوج أذا كنت متمكننآ من استخدام الديجيتال فلا مانع ، أما عمل أختبار للاين فأظن يحتاج شوية وقت من الممارسه، راجع اخر رد لى معك وركز فيه بأذن الله يخرج الجهاز

magdy gomaa

15-01-2008, 02:42 PM

السلام عليكم ورحمة الله وبركاتة
تحياتى أولآ
الأخ الفاضل / الباسم حسن يوسف المشرف
بعد التحية وأشكرك المهندس الباسم
-:وبعد تم عمل الأتى

قمت بتغير الترنسيستور الخاص باللاين لأنة كان تالف C1358 واشتريت بديل

لة حيث لايتوفر هذا الرقم بالأسواق البديل 2SC1172B نفس المواصفات

ويزيد فى الامبير = 7 امبير والاصل = 5 امبير

المهم

عند التشغيل حصل الأتى :-

وسوكيت الشاشة راكب فى مكانة ولمبة السرية مضاءة بنسبة 30%

1- تم أخراج صوت شبية بالتنفيس نابع من ناحية الدفليكشن

2- الفتيلة مضاء أضاءة عالية بلون بنفسجى شديد

3- أثناء التوصيل تم قياس رجل 6 ، 9 من اللاين يوجد 110فولت تمام

4- لايوجد فولت على أطراف الفتيلة رغم وجود الضوء البنفسجى الشديد فى هذة اللحظة

5- يوجد 130 فولت على RK فى سوكيت الشاشة

6- يوجد 110فولت على C. ترنسيتور اللاين ولايوجد E. &B. فى هذة اللحظة

7- المزبزب AN5510 رجول مشط 10 رجل يوجد على رجل 4 = 12 فولت والرجل رقم 10 = 26 فولت

8- وعند فصل سوكيت الشاشة أيضآ يسمع نفس صوت التنفيس من ناحية الدفليكشن أو الشاشة السابق ذكرة وصوت الجهاز موجود (دائرة الباور سليمة)

9- فصلت كبل الدفليكشن من الشاسية منع صوت التنفيس الذى كان يسمع

110فولت فى هذة اللحظة على المكثف الكبير + ترنسيتور الباور C1106
ملحوظة
لايوجد أى فولت فى هذة اللحظة على ترنسيتور اللاين البديل وكبل الدفليكشن مشتال
ولايوجد أى فولت على رجول اللاين بالكامل
ولايوجد بالطبع أى فولت على سوكيت الشاشة
ملوظة
شحنة الشاشة كانت موجودة من خلال كبل اللاين الى الشاشة وتم تفريغة قبل نزع كبل الدفليكشن

قياس الفتيلة والسوكيت ر اكب = 2 أوم والسوكيت مشتال من مكانة = 4 أوم

قياس ملفات الدفليكشن الطرف الأحـــمر+ الأزرق = 4أوم على الأطراف
قياس ملفات الدفليكشن الطرف الأصفر + الأخضر = 19 أوم طرفى الوسط
فهل بكدة أقول بأن الشاشة تالفة
أفدنى أفادكم الله
وتقبل تحياتى /مجدى جمعه
معلهش الرابط كل ماجى ادخل فى يدخلنى فى موضوع اخر مش عارف السبب

الباسم.حسن يوسف

15-01-2008, 02:53 PM

بسم الله الرحمن الرحيم

اخى/ مجدى

للأسف معنى كلماتك أن الشاشه تالفه
وأخى العزيز/ مصطفى بحرى قام بالرد أيضآ على الرابط القديم أمس لأن هذا الرابط لم يعمل أمس سوى صباحآ حاول الأطلاع عليه

magdy gomaa

15-01-2008, 03:21 PM

أخى الفاضل المهندس/ الباسم المحترم
تحياتى لكأولآ وأشكرك عاى هذا الأهتمام الكريم منك
وموضوع الرابط كان فى مشكلة لغبطنى كثيرآ ومبقتش عارف أنا فى أى رابط ولذلك
إذا كان رد أخى المهندس مصطفى بحرى نفس الرد مفيش مش مشكلة ثقتى بعلمكم تغنى عن أى شكفى الردود ولاكن بعد الشرح عن المراحل التى ذكرتها بكدة يكون الشاسية تم
أصلاحة ولالسة وإذا كان تم أصلاحة من الخروجات وقيام الجهاز الى المرحلة قبل الأخيرة
وهى ظهور الصورة
(هل الفولتيات التى ذكرتها تقول بأن الشاسية تم أصلاحة ولة لسة أرجوا منكم مراجعة القراءات مرة ثانية عشان تنصحنى ممكن أشوف شاشة 20بوصةأخرى للجهاز ولاأعمل
أية ولازم الشاشة تكون بالدفليكشن بتعها أرجوا الأفادة ولك جزيل شكرى
وعلى فكرة شكرى لأخى المهندس/ مصطفى بحرىعلى الرد لأننى مش عارف أوصل للرد بتاعة
على الرابط القديم المواضيع كلها حصل معى لغبطة بسبب عطل الرابط
أخوكم /مجدى جمعه

مصطفى بحرى

16-01-2008, 05:03 AM

بسم الله والصلاه والسلام على رسول الله
أخى الفاضل
كده الشاسيه شغال بعد خروج الضغط العالى للشاشه والصوت
مع ملاحظه :التيار على ترنسيتور الباور C1106على الجسم أكثر من ال E,B تقريبا20 فولت وسخونه المقاومه الحراريه البيضاء الكبيره دليل على عمل دائره الباور والتحكم بالزياده والنقصان من البوت
ضغط فتيله الشاشه حوالى 6,3 فولت AC
ضغط G2 فى سوكت الشاشه(طرف الإسكرين الواصل من اللاين)تقريبا 400 DC
ملحوظه:لما شيلت سوكت الدفلكشن لايوجد فولت على اللاين لأن السوكت به قفله
سلك لتوصيل التيار الى اللاين للعمل وإخراج الضغط العالى حتى لاتتلف الشاشه
دفلكشن الجهاز يركب هو هو ومعاينه قاعده الشاشه البديله لتتوافق مع السوكت
إذا كانت مثلثه أو زونمبه وإن كانت مختلفه يلزم التعديل
وأى إستفسار تحت أمرك هذه الإطاله لكى يستفيد المبتدىء
والله الموفق

magdy gomaa

16-01-2008, 11:23 PM

أشكرك أى الفاضل المهندس / مصطفى بحرى على هذة الأجابات الجملية منك ولاكن أرجوا منك الأطلاع الأخير على هذة البيانات أخر كلام عشان صاحب الجهاز هيشترى شاشة وياريت تحددلى المطلوب تعديلة بعد هذة الفولتيات

السلام عليكم ورحمة الله وبركاتة
الأخوة الأفاضل مهندسى القرية
الأخ الفاضل /المهندس مصطفى بحرى

الأخ الفاضل / الهندس الباسم حسن يوسف المشرفتحياتى لكم أولآ
فى حالة رفع سوكيت الشاشة من مكانة يوجد الأتى :-
الصوت موجود على القنوات والشاشة تالفة سلمنا بالأمر والزبون أقتنع وشرح أحداث التى مرت للجهاز قبل أن يعطل وهوا قال أن التلفزيون كان يعمل وفجأة صفارة ففصلنا عنة التيار
وقررت المحاولة بالصفارة عند كل تشغيل حتى قطع نهائى عن العمل فوافق وطلب أن يشترى شاشة جديدة لآن العيب ليس من عندى ويعلم ربى بذلك

المهم أخوانى المهندس الباسم حسن يوسف المشرف و المهندس مصطفى بحرى
لكم كل الشكر على مقدمتموة من مساعدات لى فى هذا الموضوع

أولآ :-
مطلوب تركيب شاشة جدجيدة واليوك الذى موجود بياناتة كالأتى :-
الأفقى = 3 أوم
الرأسى = 18 أوم
فهل بذة القراءات يكون الدفليكشن سليم وينفع يركب لة شاشة جديدة

ثأنيآ :-
الفولتيات الموجودة فى غياب سوكيت الشاشة ( مرفوع من مكانة )

1- المكثف الكبير علية 110 فولت تمام
2- ترنسيستور الباور 110 فولت تمام
3- رجل رقم 6 من اللاين = 110 فولت تمام
4- رجل رقم 4 من اللاين = 12 فولت تمام
5- رجل رقم 9 من اللاين = 110 فولت تمام
6- وعلىC. ترنسيتور اللاين = 110 فولت ةلايوجد أى فولت على B. ولا E.
7- على رجل رقم 2 من المزبزب AN5510 = 12 فولت
8- على رجل رقم 3 من المزبزب AN5510 = 26 فولت
9- على رجل رقم 4 من المزبزب AN5510 = 13 فولت
10- على رجل رقم 10 من المزبزب AN5510 = 26 فولت

RK فى سوكيت الشاشة = 153 فولت
BK فى سوكيت الشاشة = 130 فولت
GK فى سوكيت الشاشة = 120 فولت

TR 902 فى سوكيت الشاشةE. = 6 فولت وعلى B. و C = 155فولت
TR 903 فى سوكيت الشاشة E. =7 فولت وعلى B. و C = 130فولت

ملحوظة لايوجد أى فولت على أطراف الفتيلة H و H فى سوكيت الشاشة
ولذلك وضعت أخر البيانات التى أمامكم والجهاز يعمل بدون سوكيت الشاشة
لآن فى وجود السوكيت لاتوجد هذة الفولتيات ولمبة السرية بنسبة 50 %
فأرجوا الأفادة هل بكدة يكون الشاسية فى حالة جيدة مدام الصوت والقنوات
تسمع والدفليكشن بهذة القراءت يكون سليم وأى نوع من الشاشات يفيد
لهاذا الشاسية لآنه سوف يشترى شاشة جديدة
وهل لوفية شاشة نفس المقاسمن جهاز قديم مثلة هل تنفع باليوك الذى معها

أنا عارف بأننى وجهت دمغكم فى هذا الموضوع ولاكن أنا بعتبر كل هذا تعليم منكم
وتقبلوا أرق تمنياتى

الشاشة 20بوصة زور زنبة قطرة = 3سم القطر الخارجى لزجاجة الفتيلة

أخيكم/ مجدى جمعه

وياريت تعرفنى أية موضوع القفلةهل مطلوب أعمل حاجة فى هذة القفلة ولادة طبيعى ليس لى علاقة بة أحنا بنتعلم منكم
السوكت به قفله سلك لتوصيل التيار الى اللاين للعمل وإخراج الضغط العالى حتى

مصطفى بحرى

17-01-2008, 12:21 AM

بسم الله والصلاه والسلام على رسول الله
أخى الفاضل
الشاسيه كده سليم والفولتيات تعتبر تمام
الدفلكشن سليم ولايلزم تغيره الا إذا كان بيحدث فيه شراره(شورط) من الداخل
يعنى إخلعه من الشاشه وكابل الضغط العالى وأيضا سوكت الشاشه
وشغل الجهاز بس إبعد الكابل وأنظر الى الدقلكشن من الداخل حتى ضع يدك
القفله طبيعى لتوصيل التيار لللاين يعنى لازم توصل سوكت الدفلكشن
مافيش حاجه ولا تسريب تمام لازم طرفى الفتيله يكون عليهم 6 فولت AC
تتبع خطى الفتيله واحد أرضى الآخر عليه 6 فولت جاين من اللاين عن
طريق مقاومه حراريه ولازم تركب باور اللاين ويكون 110 فولت على C
واصلين على رجل 6 من الباور عن طريق مقاومه حراريه والفتيله مش حتنور
ويصلها 6فولت الا اذا عمل اللاين انت قلت ان كان فيه تنفيس والشاشه بنفسجى
من داخل الفتيله يعنى اللاين كان مخرج قبل مايضرب باور اللاين 1172
وانتبه يحيب لك شاشه نفس السوكت مثلثه أو زنمبه
أى إستفسار إسأل
الله معك ثم نحن

magdy gomaa

17-01-2008, 04:21 AM

الأخ الفاضل /المهندس مصطفى بحرى
بصراحة أنا مش عارف أقولك أية أنت والأخ/ المهندس الباسم
ولاكن اللى أقدر أقولة ربنا يكثر من أمثالكم لجعلكم عونآ للأخرين ومش عيب أننى أقول بأننى بتعلم منكم وتعلمت منكم فى هذا الجهاز الكثير والكثير ولكم تحياتى وشكرى لكم وللجميع من مهندسى القرية الأفاضل وأنا مش ناسى أخى المهندس سعيد شعراوى
وعلى فكرى تذكرت أنا كنت بقيس أطراف الفتيلة والأفوميتر على dc معلهشقلة الممرسة
أكيد الفولت موجود يعنى هيروح فين وأنشاء الله هشيك على كل الذى ذكرتة لى الأن
بأثتثناء وضع يدى داخل الدفليكشن لأننى معرفش ظروف الكهرباء فى هذة الحالة
عمومآ أنا سعيد جدآ عشان كل شوية بتعلم منك حاجة جديدة

وتقبل تحياتى
أخيكم / مجدى جمعه

magdy gomaa

17-01-2008, 10:56 PM

السلام عليكم ورحمة الله وبركاتة
الأخوة الأفاضل مهندسى القرية
الأخ الفاضل / الهندس الباسم حسن يوسف المشرف
الأخ الفاضل /المهندس مصطفى بحرى
تم عمل اللازم وكلة القياسات تمام

أولآ :-
وبخصوص ترنسيستور الباور البوط 1k الموجود فى الباور أخرة بيضبط حتى 119 فولت
أدنى شىء لة 119فولت على ترنسيتور الباور C1106
أرجوا الأفادة (119 فولت تمام لايوجد ضرر )
وال G2 =426 فولت

ثانيآ :-
الفولت الموجود على H وH = 14.83 AC مش عارف لية هل عشان الوكيت مش راكب على الشاشة وبالتالى مفيش سحب فولت يعطى هذة القراءة أكثر من مرة أقيسة AC يعطينى هذا الرقم هل لة بوط معين لضبط هذا الفولت ولاعند نركيب الشاشة ويحصل سحب يبقى تمام
وأحيانآ عند اللمسات الأولى بالأفوميتر يعطى حولاى 4 فولت وكسور للحظة فقط ثم يثبت على 14.83 فولت
أرجوا الأفادة بخصوص هذة المرحلة ( فولت الفتيلة )

ثالثأ :-
تم رفع الدفليكشن وومتابعتة بعد التشغيل والحمد لله ليوجد أى شرز كهربى بداخلة

وأشكرك أخى الفاضل /المهندس مصطفى بحرى على هذا المجهود
وأشكر
الأخ الفاضل / الهندس الباسم حسن يوسف المشرف

أخيكم / مجدى جمعه

مصطفى بحرى

17-01-2008, 11:09 PM

بسم الله والصلاه والسلام على رسول الله
أخى الفاضل كده مافى مشاكل
المهم فولت الفتيله 6 فولت AC اعكس طرفى الأفو وقيس
لتتأكد أكثر لمبه صغيره 6 فولت زى بتاعه الراديو الكهربا بتاع زمان
أو كشاف الاضاءه ووصلها بطرفى الفتيله تنور عادى يبقى تمام

مصطفى بحرى

17-01-2008, 11:13 PM

بسم الله والصلاه والسلام على رسول الله
أخى الفاضل كده مافى مشاكل
المهم فولت الفتيله 6 فولت AC اعكس طرفى الأفو وقيس
وممكن الأفو يخدعك ويعطى قرأه عاليه وهم6 بتحصل
لتتأكد أكثر لمبه صغيره 6 فولت زى بتاعه الراديو الكهربا بتاع زمان
أو كشاف الاضاءه ووصلها بطرفى الفتيله تنور عادى يبقى تمام

magdy gomaa

17-01-2008, 11:15 PM

أشكرك يابشمهندس مصطفى على الرد السريع أنا هقوم بتوصيل لمبة لعمل التست اللازم
ولاكن أنا بقصد هذا الفولت الكبير رغم عكس أطراف الأفوا نفس النتيجة هل بة ضرر
إذا زاد عن ال 6 فولت بس هذا قصدى
وتقبل تحياتى

مصطفى بحرى

18-01-2008, 05:08 AM

بسم الله والصلاه والسلام على رسول الله
ما تقلقش هم 6 فولت بس الأفو الديجتال ساعات بيغش

magdy gomaa

26-01-2008, 07:01 PM

السلام عليكم ورحمة الله وبراكتة الأخوة المحترمين مهندسى القريةتحياتى لكم جميعآ أولآ وثانيآ الحمد لله أن النتدى عاد للعمل ولاكن فى حالة كتابة أى موضع لأجد التحكم فى كتابة النص لأعرف السبب وهذا العيب قائم من قبل أيام قبل غلق النتدى للصيانة ( تنوية للعلم فقط وكل الشكر للقائمين على المنتدى )أخى الفاضل المهندس / الباسم تحياتى لك وأخى المهندس / مصطفى بحرى مساء الفل بخصوص الشاشة حتى الأن صاحب الجهاز يبحث عنها ومومضوع التعديل الصورة التى أرسلت لى موجودة بها كيفية التعديلوهى طرفلى الأن ولاكن هل مطلوب أحضار الكارت الذى فية سوكيت الشاشة أثناء شرأها حتى أتعرف على الأرقام التى تدل على وظيفتة فى الشاشة ولا كيف الأمور حتى أتعرف على الهيتر وال g1 والg2 وباقى الأمور الخاصة بذلك أثناء التعديل وهل يكتب على الشاشة على الجسم هى خاصة بأى تلفزيون وعند التعديل كيف يركب السوكيت الأخر على الكارت القديم من خلال تنى الرجول الخاصة فى السوكيت المطلوب تحويل مسارها لآماكن أخرى عن طريق الأسلاك أرجوا التوضيح الحاجة الثانية بخوص ما تقلقش هم 6 فولت بس الأفو الديجتال ساعات بيغشأنا قلت تم التجارب من خلال لمبة 3.6 فولت أى ليست 6 فولت وهى التى توفرت لدى والحمد لله أضاءة دون مشاكل وكانت ضعف الأضاءة المفترضة ونحن الأن فى البحث عن الشاشة وأشكرك أخى المهندس / مصطفى بحرى وأشكر أخى المهندس / الباسم مشرف القسموأشكر أخى المهندس / هانى النجار مشرف قسم الألكترونيات

magdy gomaa

06-02-2008, 08:53 PM

السلام عليكم ورحمة الله وبركاتة

الأخوةالأفاضل مهندسى القرية

الأخ الفاضل / المهندس الباسم حسن يوسف المشرف

الأخ الفاضل /المهندس مصطفى بحرى

تحية طيبة وبعد
الحمد لله تم العثور على شاشة 20 بوصة خصة بجهاز NEC 6 نظام 8 زرار زور تخين ( مثلـث ) وتم قياس الفتيلة وتعطى
حوالى 3 أوم والشاشة قمت بخلعها من الجهاز القديم بنفسى ومعها السوكيت الخاص بالشاشة أيضآ بكل محتوياتة المركبة علية من قطع اليكترونية وخلافة والشاشة أيضآ بها الدفليكشن وتم قياس الدفليكشن
ملف الرأسى = 60 أوم
ملف الأفقى = 3 أوم
فهل يجوز أن أقوم بتركيب الشاشة بكل محتوياتها الموجودة معها ويتم التعديل على ذلك بمعنى أن أركب سوكيت الشاشة المثلث الموجود معها وأعيد توجية الأطراف الى نفس الأماكن فى الشاسية بدلآ من أطراف السوكيت القديم
مع ملحوظة تذكير بالقرءات السابقة للدفليكشن السابق للشاشة القديمة
الأفقى = 3 أوم
الرأسى = 18 أوم
فهل يوجد تعارض على هذا الفرق فى زيادة الأوم فى الرأسى
دبابيس الشاشه ( سوكيت الشاشة زور مثلث )
4 = E
5 = G1
6 = GK
7 = G2
8 = RK
9 = H
10 = H
11 = BK
أما سوكيت الشاشة القديم فدبابيس الشاشة كالأتى :
3 = BK
4 = E
5 = E
6 = H
7 = H
8 = RK
9 = G1
10 = G2
11 = E
12 = GK
وعلى فكرة عندى الرسم المرسل من طرفكم الخاص بتعدل دبابيس الشاشات ولاكن أنا حبيت أشتغل شغل صح من خلالكم بالتوجية الأمثل فى تركيب السوكيت الجديد مع دفليكشن نفس الشاشة المثلث وتوجية الأسلاك بمثيلتها فى الشاسية
ولاتركيب السوكيت المثلث فقط على كارت الشاشة القديم وأعادة توجية الأسلاك بعد قطع القديم التصل بأماكن اخرى
أرجوا التوجية الأمثل منكم لأننى أول مرة أقوم بهذة العملية تعديل دبابيس الشاشة ولى الفخر أن أتعلم منكم هذة الأمور الهامة فى مشاكل أعطال الشاشات وأنا عارف بأننى أثقلت عليكم
وتقبلوا تحياتى ولكم جزيل الشكر على ماتقدمنة من خبرات لكل من يلجاء لكم بالعون
مجدى جمعه
والأفادة ::

الباسم.حسن يوسف

06-02-2008, 09:07 PM

بسم الله الرحمن الرحيم

اخى/ مجدى جمعه

لك كل التحيه على هذا الشرح الوافى والمركز
فلتقم بتركيب الدفلكشن القديم الخاص بالشاشه التالفه
ثم تقوم بالتعديل أطراف الفتيله وال RGB وكذلك الأسكرين
والحرص يكون مطلوبآ وخصوصآ فى طرفى الفتيله وطرف الأسكرين وبعد ذلك قم بالتجربه على السيريا وبأذن الله تنتهى المشكله

مصطفى بحرى

07-02-2008, 12:29 AM

بسم الله والصلاه والسلام على رسول الله
أخى الفاضل
لا تصعب الأمر عليك (كما قال الباسم الجميل)
المهم الشاشه الجديده تكون سليمه بإذن الله
ركب الشاشه الجديده فقط وركب فيها الدفلكشن القديم
الله ينور عليك كاتب أطراف القديمه والجديده
إخلع سوكت الشاشه الجديده من الكارته وركبه فى الشاشه الجديده
توصل اطراف منسقه من السوكت القديم الى الجديد
كل واحد لشبيهه على السوكت الجديد اللى ركبته فى الشاشه يعنى
(أطراف الفتيله 6,7 من القديم الى 9,10 للجديد راعى الأرضى هنا وهنا)
وكذللك الألوان(12 القديم الى 6 الجديد -8 الى 8-3 القديم الى11 الجديد)
الإسكرينG2 من القديم 10 الى 7 فى الجديد
وكذلك G1 من القديم سلك من9 الى 5 فى سوكت الشاشه الجديد
والأرضى هنا الى الارضى
وفى الآخر خالص تعلق كارته الشاشه القديمه بسلكه فى مسمار الدفلكشن
معك الله ووفقك ثم نحن فى الخدمه

magdy gomaa

07-02-2008, 10:22 PM

السلامعليكم ورحمة الله وبركاتة
الأخوةالأفاضلمهندسى القرية
الأخالفاضل / المهندس الباسم حسن يوسفالمشرف
الأخالفاضل /المهندس مصطفى بحرى

تحية طيبة وبعد

الحمد لله تمة العملية بنجاح وبفضل الله وفضلكم وتعاونكم معى لأننى بصراحة أول مرة أقوم بتعديل دبابيس الشاشة وأنا فاخور بأننى تعلمت الكثير فى هذا العطل منكم وعسى أن تكرة شيئآ وهوا خير لكم الحوارات والنقشات التى دارت بيننا وكنت مستفيدآ منها لأكثر من عطل فى الحقيقة أشكركم جميعآ أخى الفاضل المهندس الباسم وأخى الفاضل المهندس مصطفى بحرى وأنا سعيد بأننى فى مدرستكم مدرسة القرية الآلكترونية والتى بها خبراء أفاضل يمدون العون لمن يلجاء اليهم وأنا فى غاية السعادة لما أعرفة من خبراتكم الجميلة

وبعد أولآ
بعد التشغيل تبين الصورة مضغوطة حوالى 5سم من أعلى و5سم من أسفل لأعرف هل هذا من الدفليكشن ولا فى دائرة مكثفات
الرأسى فلو فى مكثفات الرأسى لو أمكن ( رقم دائرة الرأسى )

ثانيآ
الصورة والألوان فى غير جميلة وحاولت الضبط من خلال البوطات الموجودة فى سوكيت الشاشة دون جدوى وغيرت مفتاح الفوكس والأسكرين بتاع الجهاز الأخر فلقيت الموجود أفضل وفعال أعلم بأنه ممكن الشاشة تحتاج لتنشيط سبق ونشط شاشات من خلال دائرة التنشيط ( ولاكن لو يوجد ضبط من أماكن أخرى فى الشاسية أرجوا الأفادة )

ثالثآ
زراير التوليف غير جيدة قنوات تيجى وأخرى لاتيجى وأذا ضبط قناة تهرب لما تحول الى قناة أخرى الصوت موجود ولاكن صعوبة فى وجود القناة من خلال البحث عن طريق علبة التوليف فهل يوجد بالأسواق علبة توليف جيدة لهذة الأجهزة
( نرجوا النصيحة والتوجية وأفادتكم الكريمة لنا )

وأخير لايسعنى إيلا أن أشكركم لتحملكم أطالتى و مأتى بة أليكم من أعطال ومهما أن عبرت بأجمل العبارات فهى قليلة عليكم ولست مجاملآ فى هذا التعبير يعلم ربى بأننى صادق فى تعبيراتى نحو مهندسى قريتنا الجميلة

وتقبلوا تحياتى مجدى جمعه

والأفادة وشكرآ

magdy gomaa

08-02-2008, 12:09 AM

مصطفى بحرى

08-02-2008, 01:51 AM

بسم الله والصلاه والسلام على رسول الله
الحمد لله
ماتنساش تدفع المصاريف على باب القريه
بالنسبه لنقص الصوره من أسفل وأعلى يوجد بوت فى دائره الفيرتكال
مكتوب عليه vert.high إضبطه لإتساع الصوره
الأجناب مضبوطه ولا بها نفص إن كان أضبط من بوت الكهربا ولاتزيد
الصوره مش حلوه احتمال الشاشه ضعيفه المهم الألوان موجوده وسليمه
تهريب المحطات إغسل البرسات والفاين بالإسبراى وإضغط عليهم كذا مره
إن هربوا المحطات بعد الغسل غير مفاتيح البرسات ب5جنيه
الطرف 4,5 فى شاشه الفليبس E .empety يعنى فارغ جرب لمسه بالأرض
والله معك

magdy gomaa

08-02-2008, 10:13 PM

السلامعليكم ورحمة الله وبركاتة
الأخوةالأفاضلمهندسى القرية
الأخالفاضل / المهندس الباسم حسن يوسفالمشرف
الأخالفاضل /المهندس مصطفى بحرى
أشكركم جزيل الشكر والحمدلله بخصوص موضوع

الصورة مضغوطة حوالى 5سم من أعلى و5سم من أسفل
كان العيب فى بوت الرأسى وتم ضبطة وبقية حال الشاشة على ماهى علية بقع وبهتان وهذا أكيد يرجع عامل الزمن وأعطيتة لصبحة بهذة الحالة وعمومآ لكم كل الشكر والتحية أخوانى الأفاضل المهندس الباسم المحترم والمهندس /مصطفى بحرى المحترم على ماقدمتموة لى وتقبلوا تحياتى أخيكم / مجدى جمعه

أشكرك أخى الفاضل على رضودك الجميلة فعلن كان البوت وبالتحريك فتح الشاشة البهتان هوا ضعف الشاشة وعلى على فكرة علبة التوليف نظام بكر بجوار الزراير المهم صاحب الجهاز خدة على كدة بهذة الحالة غير راضى عن مسوى الشاشة وقلت له هذا ليس بيدى شاشة ليها أكثر من 30 سنة تعمل ذى النقادم لما يكبر يلبس نظارة نظر خلاف وهوا شاب لأنة رجل فهمة على قدة أنا عملت الأصلاحات الخاصة بالشاسية وأخد الجهاز

( أنت وكل مهندسى القرية تستهلوا السلامة أما القرية فلها أفضال علينا لاننكرة )

مصطفى بحرى

08-02-2008, 11:40 PM

بسم الله والصلاه والسلام على رسول الله
الحمد لله عدى الموضوع على خير
المهم لم توضح منظر البقع هل وجود مناطق فى الجانب والأطراف
ملطعه بالأزرق أو الأخضر ده ممكن يتعالج بضبط دخول الدفلكشن
فى عنق الشاشه للداخل شويه للخارج شويه حتى تبدو الخلفيه لون واحد
عمليه البهتان ممكن بضبط بوت الكنتراست داخل الجهاز أو تنشيط الشاشه

magdy gomaa

09-02-2008, 04:17 AM

أنت بتحرجنى بأخلاقق العلية يابشمهندس مصطفى والله الواحد مش عارف يودى جميلك فين أنت والأخ الفاضل المهندس الباسم خلاص بقى الرجل أخد الجهاز لاكن أنا كل شوية بتعلم منكم الكثير
بهذة المعلومات الأخيرة وهى بمثابة شوية الملح اللى نسيت أحطهم على الطبخة هذة المرة الأكلة دلعة شوية أنما وأنشاء اللة المرة الجاية بهذة المعلومات القيمة هتضبط معى الطبخة ولك كل الشكر ولأخى المهندس الباسم

الباسم.حسن يوسف

09-02-2008, 04:57 AM

بسم الله الرحمن الرحيم

اخى/ مجدى جمعه

حمدآ لله على أنتهاء مشكلة الجهاز
ونحن لم نقم سوىبالقليل وكنت أنت موفقآ وفى منتهى التركيز
ومرتب فى خطواتك ومتأنى وغير مرتبك مع العلم بأن الجهاز من النوع الذى يحتاج الى متمرس وما قمت به منتهى التمكن حافظ على هذا المستوى وقم بالتدوين والأختزان للمعلومات والخطوات لكل عمل قادم وستجد فى النهايه موسوعه بأسم مهندس / مجدى جمعه
تحياتى اليك والى اخى العزيز مهندس / مصطفى بحرى

magdy gomaa

09-02-2008, 10:56 PM

السلام عليكم ورحمة الله وبركاتة
فى الحقيقة يابشمهندس حسن أنا شاكر أفضالك وكلامك الجميل اللى أكيد يعطينى دفعة للأمام والحمد للة بدون كل الأعطال اللى بحصل عليها من القرية ومواقع أخرى وإذا هبقى كويس فى المستقبل فسوف يكون بفضل الله
وتعاونكم الجميل معى وربنا يبارك فيك وفى أخى المهندس / مصطفى بحرى دعواتى لكم بدوام الصحة
وتقبل تحياتى
أخيكم / مجدى جمعه

magdy gomaa

16-02-2008, 11:36 PM

السلامعليكم ورحمة الله وبركاتة
الأخوةالأفاضلمهندسى القرية
الأخالفاضل / المهندس الباسم حسن يوسفالمشرف
الأخالفاضل /المهندس مصطفى بحرى

تحية طيبة وبعد

طبعآأتمنا أن أتواجد معكم طول الوقت ولاكن كما ذكرت سابقآ ليس لدى DSL

بخصوص باور سبلاى الكمبيوتر فى الحقيقة أصلحت الكثير منهم فى حدود تغير الترنسيستورات
والموحدات ولدى باور التيار واصل على أول الفوتوكابلر وبعد كدة لايوجد أى تيار فهل العيب
فى الفوتوكابلر ومطلوب تغيرة للأصلاح أم يوجد خباية أخرى لو أمكن ذكرها لى ولكم تحياتى
وكما تعلمون بأننى أستمد منكم الخبرة الجميلة

وتفضلوا بقبول وافر الأحترام

مصطفى بحرى

16-02-2008, 11:54 PM

الباسم.حسن يوسف

17-02-2008, 12:17 AM

بسم الله الرحمن الرحيم

اخى/ مجدى جمعه

أهلآ بك وبأخى العزيز جدآ الى قلبى
مهندس/ مصطفى بحرى

البور سبلاى الخاص بالكمبيوتر هو كأى مرحلة بور فى أى جهاز حديث تم فيها الأستغناء عن المحول العادى الخاص بدخول فولت مغذى على الملف الأبتدائى والأستنتاج من الملف الثانوى لما هو مطلوب لعمل الجهاز المستخدم فيه هذا المحول وكان يستخدم وقتها التيار المتردد(المتغير) وكان يعيب هذه التقنيه تأثرها بأرتفاع وأنخفاض التيار بالأضافه الى أرتفاع التكلفه بسبب أرتفاع سعر خام النحاس المستخدم والوزن الثقيل للجهاز وأيضآ عدم الدقه المتناهيه لتناسب الأجهزه الحديثه
فتم التحديث بمرحلة البور سبلاى لتناسب هذه الاحتياجات فى الأجهزه الحديثه وهى عباره عن مرحله يدخل اليها التيار المتغير فيتم توحيده جيدآ ثم يتم الدخول بهذا التيار الموحد الى ملف ابتدائى وأيضآ الى مرحله مذبذب أفقى ليتم تحويل هذا التيار الى متقطع أو بمعنى أخر تيار وسط بين المستمر والمتغير لكى يعمل هذا المحول ويقوم بالأستنتاج من الملفات الثانويه وهذه المرحله تتكون من مقاومات ومكثفات وموحدات وزنرات وترانزسيستور او ic وبفات
وهذه المرحله هى التى بها العيب عندك ومطلوب مراجعتها بدقه وطرف مما تقوم بقياسه خارج الدائره وتغيير التالف وسيعمل بأذن الله
ملحوظه :
لاحظت أنك من الذين يحبون الأيضاح الكامل لما تريد فنرجو السماح والعفو بسبب الأطاله فى الرد وأرجوأن أكون وفقت لما تريد السؤال عنه

magdy gomaa

17-02-2008, 09:35 PM

التحية والشكر لك يابشمهندس الباسم على هذة الأجابات الجميلة والرائعة والمفيدة بالنسبة لى ولأنكر بأننى كل يوم بستفيد منك الكثير وأأسف لأطالتى فى شرح العطل بحب أوضح المعلومات فى أى عطل حتى يتسنى لكم معرفة العطل بالتحديد
ولك كل الشكر على الردود الجميلة والمفيدة منك
وتقبل تحياتى

مجدى جمعه

الباسم.حسن يوسف

17-02-2008, 10:25 PM

بسم الله الرحمن الرحيم

اخى / مجدى جمعه

لاشكر على واجب
نتمنى لك التوفيق والنجاح

magdy gomaa

17-02-2008, 10:35 PM

بسم الله والصلاه والسلام على رسول الله

أخى الفاضل
من الضرورى وجود عندك كام قطعه
spear part ترانسيستور باور فوتو مقاومات
القطعه اللى شاكك فيها غيرها بدون تردد
زى ماتأكدت من دائره الدخول للباور
تأكد من دائره خروج محول الشوبر من موحدات ومكثفات

الله ينور عليك يابشمهندس مصطفى بحرى وأنا سعيد جدآ لردودك الجميلة فعلن
أنا ذكرت هذا الموضوع لأننى قرأت لآخ فاضل فى أحدى المنتديات بأن أى جهاز
بة فوتوكابلر بيكون السبب الرئيسى فى المشكل ولذلك طرحت الموضوع على حضراتكم
لكى أستفيد فى هذة الجزئية حتى أتعلم منكم الكثير والكثير
وتقبل تحياتى
أخوكم/ مجدى جمعه