وداعا لمكنة الشحن [الأرشيف] - منتدى القرية الإلكترونية

profhoda

30-06-2008, 01:46 AM

بسم الله الرحمن الرحيم
اخوانى الكرام ارجو ان ينال هذا الموضوع اعجابكم نظرا لخطورته واهميته وهو انى بعد دراسه طويلة وتجربة استطيع الان ان اقول وداعا لمكنة الشحن نظرا لعيوبها وعدم قدرتها على شحن جميع انواع الفلاشات وغلو ثمنها الان تسطيع ان تشحن جميع انواع البورد اللى شغاله داتا واللى قاطعه داتا من على الدوس وفى نفس بوردتها دون الحاجه للستعانه ببورده اخرى
ساعرض الموضوع عن طريق مرحلتين الاولى شحن البورد اللى بتجيب داتا على الشاشه والجززء التانى من الموضوع شحن البورد اللى قاطعه داتا
اولا وقبل كل حاجه الادوات المطلوبه
1-فلوبى ودسك ستارت اب
2-ملف البايوس بتاع البورده المراد شحنها وهنزلوا من على النت طبعا بسهوله
3-الرنامج اللى هيشحنلنا الفلاشه ويوجد برامج كتير مثلqflash-flash utility
ولكن اهم برنامجين على الاطلاق واحسنهن واللى احنا هنستخدمهم هما ami flash utility لشحن الفلاشات التى تدعمها شركه ami و award flash utility للفلاشات التى تدعمها شركة award وشركةphonics
نبدا على بركة الله
اولا طريقه عمل الدسك الستارت اب ونسخ الملفات عليه
نجيب جهاز عليه وندوز 2000 او me ونتبع الخطوات الاتيه
http://i304.photobucket.com/albums/nn190/profhoda/bios1.gif

http://i304.photobucket.com/albums/nn190/profhoda/bios2.gif

http://i304.photobucket.com/albums/nn190/profhoda/bios3.gif

ثم نعمل كوبى للبرنامج ولملف البوده للبايوس وهذا اول جزء فى الموضوع وفى انتظار باقى الاجزاء

bouhawam

30-06-2008, 10:26 AM

بارك الله فيك
ونحن فى انتظار التكمله

paraquda

30-06-2008, 06:22 PM

ياباشا الله ينور عليك ومستنيين الباقي ان شاء الله

nasserel

30-06-2008, 10:11 PM

اى الكريم موضوعك جميل ولكنة لا يذال ناقص اهم الخطوات
وهذه الاطريقة لا تصلح الا فى حالة ان المذربورد تعمل وتعطى لك رسالة معناها البيوس غير فعال
وشكرا ً

Salah Elsayed

30-06-2008, 10:55 PM

كما قال الاخ nasserel

وازيد انه فى حالات اخرى قد تظهر الرسالة ولا تستطيع ان تشحن عن طريق الفلوبى وان كان هناك طريقة اسهل
هى جعل الملف على البارتشين الc وهتشحن اذا كانت البوردة تعطى رسالة الشحن..

البروفيسور

30-06-2008, 11:34 PM

أهم شيىء فى الموضوع شحن بوردة قاطعة داتا بدون مبرمجة وعلى نفس البوردة ؟؟؟؟ أنا عن نفسى مش عارف إزاى وياسلام بقة لو الفلاشة بيلت إن فى البوردة ؟؟؟ أعتقد إنه هيكون إنجاز وإن شاء الله هبيع المبرمجة بتاعتى .

tigrrr

30-06-2008, 11:56 PM

ألف شكر عالموضوع الجميل ده

profhoda

01-07-2008, 12:07 AM

الف شكر اخوانى على الهتمام بالموضوع واعدكم انى سوف انفذ كل كلمه كتبتها فى الموضوع الموضوع سهل جدا وخطير جدا فى نفس الوقت وانا فى انتظار المناقشات وبحضر لبافى الموضوع

profhoda

01-07-2008, 12:52 AM

بسم الله الرحمن الرحيم
اخوانى كما وعدتكم بتكملة الموضوع
اولا شحن البورد اللى شغاله داتا وبنحتاج نشحنها لاى سبب ما مثلا بورده مره تفتح ومرة لا تفتح او بورده لا تحفظ الاوامر من على الشاشه الزرقاء او انت عاوز تعملها ابديت
نبدا معا
1-نحضر الفلوبى دسك وملف الشحن والبرنامج سواء كان AMI OR AWARD على حسب البرنامج كما فهمنا من قبل ونفصل اى هاردويى من على البورده الفلوبى فقط اللى يكون واصل
2-نبوت بالفلوبى ونعمل DIR عليه ونكتب الاتى
http://i304.photobucket.com/albums/nn190/profhoda/award4-1.jpg

هذا لو برنامج AWARD FLASH
او
http://i304.photobucket.com/albums/nn190/profhoda/ami1.jpg
هذا لو برنامج AMI
ثم نترك الفلوبى يحمل ويعمل ريستارت
ثم اخر خطوة ندخل على الشاشه الزرقاء ونعمل LOAD OPTIMIZ DEFAULT حتى تستطيع البورده ان تقراء الى دى وبهذا نكون انتهينا من اول جزء وهو البورد اللى فاتحه داتا

profhoda

01-07-2008, 01:01 AM

الجزء الاخير من الشرح وهو اهم جزء وهو شحن البورد اللى قاطعه داتا نهائى
1- لو ملف البايوس يدعم من شركة AMI بنعمل حاجه صغيرة جدا وهو ان بنسمى ملف البايوس AMIBOOT.ROM لان هذا البرنامج به خاصية الاوتو ران AUTORUN نعملو كوبى على الفلوبى الخطوة المهمة وهى واحنا بنبوت من الفلوبى ندوس على الكيبوررد كنترول هومCTRL+HOME حتى نجعل البورده تجبر على فراءه الفلوبى اول ما الفلوبى يبدا ينور هيقراء الملف الاوتو ران وهيحمل لوحدوا ثم هنسمع عدد من الصفارات فى البوردت وهترستت لوحدها ثم هنلاحظ ان البورده فتحت وجابت داتا
2-اما بالنسبة للفلاشات التى تدعمها شركة AWARD هنعمل حاجه مختلفه شوية ولكنها سهله وهى ان احنا هنعمل نوت باد ملف اوتوران ونكتب فيه الاتى
*ECHO OFF
awdflash 12345678.BIN /py/sn/f/cc/r
حيث
py = program yes
sn = save no
f = flash
cc = clear cmos
r = reboot
ثم نعملو كوبى على الفلوبى وبنفس الطريقه السابقه نبدا نشحن
ولا ننسى ان نعمل LOAD OPTIMIZE DEFAULT
http://i304.photobucket.com/albums/nn190/profhoda/ami4.jpg
الموضوع جميل وسهل ومتجلرب وارجو التجربة اولا قبل الرد
وبكده يكون الموضوع انتهى وفى انتظار الردود والمناقشات

مهندس منعم

01-07-2008, 01:22 AM

مجهود مشكور بس فكرة مجنونة كمل على بركة الله

sadfriend

01-07-2008, 03:12 AM

طب ملف النوت باد الى هنعمله لل AWARD هنحفظه بإسم أيه AWARD.ROM برضه ولا حاجة تانية ....

وجارى التجربة

بوعبده

01-07-2008, 10:55 AM

السلام عليكم

اولا مجهودك وقتك نشكرك جدا عليهم

ثانيا ........... جارى التجربه ومن ثم الرد

تحياتى

Salah Elsayed

02-07-2008, 12:07 AM

السلام عليكم ورحمة الله وبركاتة

كلام جميل جدا وعملى لكن ايضا مع البورد التى تعطى رسالة بيوس
جرب وركب فلاشة فاضية او حتى فلاشة بوردة تانية

وعموما الفكرة قديمة قديم الازل
والموقع الى منقول منه بالحرف
http://www.biosman.com/biosrecovery.html
شكرا على تعبك معانا

profhoda

02-07-2008, 12:40 AM

الف شكر للبشمهندس صلاح على مروره الكريم
اولا الفكره ناجحه ومتجربة مع كل البورد وانت مش هتحتاج انك ترفع فلاشه وتحط مكانها فلاشه فاضيه او تبدلها اصلا لان مكنة الشحن هى اللى بتحتاج الموضوع ده لان الفلاشه لما بترفعها بالهوت اير ممكن تتلف معاك فبتحتاج بديل ليها او ان الملف اللى نازل غير نوع الفلاشه بتاعة البوردة فبتحتاج بديل ايضا وهذه هى عيوب مكنة الشحن والعيب الخطير لمكنة الشحن ان تقريبا مبتشحنش نص انواع الفلاشات حتى لو بتركب على نفس الادابتر
وكون انك تجمع معلومات وتجربها وتسهلها للاعضاء فده مجهود لا يستحق الانكار
ومش عيب انك تتعلم وتجمع افكار وتتدرب وبعد كده تعلمو للناس لان العلم موجود بس المسكله فى البحث والتجربه زى مكنة الشحن هى موجوده بالفعل على المواقع الاجنبيه من زمان وانتو كل اللى عملتوه انكو اتعلمتو فكرتها وعلمتوهلنا ولكم الشكر على هذا المجهود

profhoda

02-07-2008, 12:44 AM

بالنسبة لملف الاوتوران لل award يكون بامتداد autoexec.bat وهذا امتداد ملف الاوامر التى تتم دفعه واحده

edeson2010

02-07-2008, 01:09 AM

بسم الله الرحمن الرحيم
اولا السلام عليكم
وادعا لمكنة الشحن موضوع جميل وقوى
بس الاجمل منها حاجة مهمة خالص وياريت الكل يعرفها ويفهما فى القرية
اولا بدأ يظهر امر هام بمنتدى القرية
بدأ بعض الاعضاء بالكتابة الصريحة للمواضيع الهامة وموضع الاخ هذا جميل حقا ولكن سؤال هام كلنا نعرف عيوب الشحن انها كثيرة ولكن بعض الاعضاء الذين كتبوا لنا لم نرة منهم الا شئ واحد فقط وهو مكنة الشحن فسؤال هام هل كل من رد علينا وعلى الاخوة لم يعرفوا هذة الطريقة ام انهم على حد علمهم بمكنة الشحن ولكن هناك امر هام يطرح نفسة وارجو ان يتفهمنى الجميع لو الاجابة انهم يعرفون تلك الطريقة لسار الامر مختلف واوضح هذا فيما يلى وهو الاحتفاظ بالاسرار الخاصة فى امور اخرى مثل دورات الصيانة التى نراها من بعض الاخوة فأنها لاتعطى شئ لاى شخص يريد الاحتراف والتعليم الصحيح
وارى فى ذلك من دورات مثل دورات صيانة الماذربورد والشاشات وخلافة اى ان معظمها لاتشمل الواقع الذى نرها فى عملنا
وارجو ان تكون بداية موفقة للجميع ولا نريد الاالفائدة وليبارك الله علمك وتعلمكم للافضل

مهندس احمد عيد عويضة
اخصائى هاردوير
ومحلل نظم المعلومات والبرمجيات

profhoda

02-07-2008, 01:25 AM

شكرا بشمهندس احمد على هذة الاضافه الجميله وانا راييى ان هذا الموضوع هو خدمة جميلة ورخيصة الثمن لكل من يملك مكتب صيانه ويريد ان ينجز عمله فى سهوله ويسر وهذا الموضوع يمشى فى كل انحاء العالم لذا لا داعى لاستخدام هذه المكنه التى ينقصها الكثير والكثير

scorpionhossam

02-07-2008, 02:00 AM

السلام عليكم ورحمه الله وبركاته
اولا اخي محمود موضوعك رائع جدا وجميل جدا لعل البعض يجهله ولكن انا لي بعض الاعتراضات على موضوعك والله شاهد اني لم اقول ذلك للتقليل من موضوعك الله شاهد على ذلك وتلك الاعتراضات هي كما يلي:
1 - ماذا لو كانت الفلاشه تالفه او بها عيب فهل عند تبديل الفلاشه تصلح هذه الطريقه طبعا لا تصلح والفلاشه لا تتلف نتيجه استخدام الهوت اير فقط ولكن هناك عوامل اخرى كثيره سنتطرق لها فيما بعد....
2 - هل من الاسهل ان اضع ملف البايوس واعدل اسمه في الفلوبي وعاده الديسك قابل للتلف كثيرا وخصوصا ان الانواع اللي في السوق كلها مضروبه ام من الاسها ان اخلع البايوس واضعه على الايبروم......
3 - طبعا لو كانت البورده يوجد بها عيب اخر ونحن فقط نشك في البايوس فبالتالي لم نتأكد هنا ان طريقه الشحن تكون صحيحه ام لا ولم نتأكد من شحن الفلاشه وبالتالي اصبح شكنا وتشتتنا هنا في ذلك الموقف اكبر بكثير لكن الايبروم يبعد عننا شك الشحن ويبعد عننا الشك في ان البورده قاطعه بايوس ام لا.....
4 - طيب لو البورده فيها عيب اخر بالتالي لم تستطيع البورده التحميل من الفلوبي ديسك وبالتالي اصبح الامر اكثر تعقيدا.....
5 - ماذا لو كان ايسي ال I/O تالف هل البورده عندها تستطيع البحث عن ملف البايوس من الفلوبي ......
وهناك العديد والعديد من الاعتراضات.........
اخي الكريم انا لم اشكك في موضوعك ولم اكن متحيز لاحد على الاطلاق لوكن هذا الرد بعد تجربتي في مضوعك وبعد تجربتي للايبروم ونحن هنا ننصح الاعضاء للافضل والاسهل وليس الاصعب ..... وعموما جزاك الله خيرا على تعبك في تجميع المعلومات وكتابه الموضوع لعلعه في ميزان حسناتك يوم القيامه وجزاك الله خيرا على ذلك
سلام عليكم ورحمه الله وبركاته

edeson2010

02-07-2008, 03:45 AM

السلام عليكم ورحمة الله وبركاتة
اخى العزيز scrop
كلامك منطقى من طرف واحد ولكن من الاتجاة العلمى والعملى اسف فانا معترض معك فيها كثيرا
اولا من ناحية ايسى i/0 يمكنك القياس والتاكد من عطلة ام لا وهذا يؤكد بعض الكلام فى الرد الاول لى على هذا الموضوع ولكن بغض النظر عن التحيز لا احد بالمنتدى فنحن لا نريد الا تبسيط المعلومة وهذة المشاركة تتعتبر البداية لامور كثيرة ولكن لى تعليق على الرد للمهندس محمود ان المعلومة لا تكون رخيصة ابدا ولكن هناك قول كبير اعرفة جيدا واريد ان يعرفة الجميع
لو اعطيط مما يعطيك الله من علم لزادك منة وسهلة عليك
اسف ان تدايق احد من كلامى او من مشاركتى فانا عضو فى القرية منذو سنتين تقريبا او اكثر ولم اكتب موضوع واحد فقط ولكن اكتفى ببعض الردود فى الموضعات التى تستعدعى الرد واعمل فى مجال الالكترونيات والبرمجة منذو 12 عام تقريبا
والله الموفق للجميع
والسلام عليكم ورحمة الله وبركاتة

aswan1

02-07-2008, 03:52 AM

كلام جميل ومنطقى وتمت التجربة ونجحت فى الحالة الاولى اما الثانية جارى التجربة
اما بالنسبة للرودد كلام جميل جدا ويستدى الدراسة من جديد والف شكرا لكل من يساهم بموضوع جديد لنتعلم منكم

alaa zhran

02-07-2008, 06:40 AM

والله الموضوع جميل ومهم جدا
الله ينور عليك
وزادك الله حرصا على نفع الناس
وجزاك الله خيرا

profhoda

03-07-2008, 12:46 AM

م/احمد محمود

03-07-2008, 05:56 PM

السلام عليكم
مرحبا بك اخ محمود موضوع جميل لكن اخى محمود لااستغنا عن مبرمجة البيوس ولو تضح المبرمجة بالمقارنة لتجد لايوجد وجه مقارنة بين المبرمجة وهذا الطريقة انما موضوعك ممتاز وتستحق منى هدية علية
خذ اخى محمود هذا الوردة هدية لك
http://www.almajara.com/photos/data/media/6/mostofede5.jpg

profhoda

04-07-2008, 12:11 AM

ياباشا انت اى هدية منك مقبولة واى راى تقولوا مقبول وانت استاذى فى الاول وفى الاخر

Salah Elsayed

05-07-2008, 04:52 AM

السلام عليكم ورحمة الله وبركاتة
اخ سكوربيون كلامك جميل ولكن لى تعقيب على بعض النقط
الطريقة واضحة وصريحه وامنه اكتر من مكنة الشحن ففى كل الحالات اللى انت قولتها ممكن تشحن عادى حتى لو البورده فيها عيب ولو البورده مش عيب بايوس وانت شحنتها مش هتقبل شحن معاك اصلا لان المشكله فى باور وهاردويير البوردة اظن كلامى واضح
فى نقطه اخرى انت فى المكنة بتاعة الشحن لو معرفتش الفلاشة صح او معرفتش تجيب البديل كده انت طيرت البايوس بتاع البورده وفى الاعديد من الفلاشات مبتتعرفش على مكنة الشحن وبتحتاج بديل تجرب بيه يبقى كده انهو اسهل ساترك الرد ليك

السلام عليكم ورحمة الله وبركاتة

على الرغم من ان الموضع تمت مناقشتة منذ فترة كبيرة جدا
وكان جدالا واضحا بينى وبين الاخ المشرف هريدى يمكنك متابعة الموضوع وما ال الية من تطور ونقاش
ثانيا حضرتك بتقول ان( المكنة بتاعت الشحن لو معرفتش الفلاشة صح او معرفتش تجيب البديل انت كدة طيرت البايوس )
ازاى معرفتش الفلاشة صح دة شىء من الممكن ان يكون بسبب عيب الفلاشة عيب من الفنى الى موش عارف يتعامل كويس مع المبرمجة ( وعلى فكرة ناس كتير جدا جدا عندها دوائر شحن مختلفة ولا تستطيع التعامل معها بطريقة صحيحة ومنهم من يتصل بى كثيرا لمعرفة كيفية التعامل مع دوائر الشحن المختلفة)
او بالطبع بيكون عيب فى المبرمجة نفسها ...
بديل ما معنى بديل بالنسبة للمبرمجة المبرمجة لا تختار البديل وهى تتعامل مع كل الفلاشة المربعة والمستطيلة بكفاءة تامة والا كان العيب فيها هى ولقد وضحنا السبب فى موضوع الاخ احمد محمود ( من هنا نعمل ستوب ) عن اختلافات الدوائر والمشاكل الخاصة بها
البديل هو ما تختارة انت وليست المبرمجة هى من تختار
اذا ما اخترت بطريقة صحيحة فالفضل لك واذا اختر بطريقة خاطئة فالعيب فيك

وفى قولك ايضا ان المبرمجة لا تتعرف على الكثير من الفلاشات
وانا اقول لك وبالطبع اعنى ما اقول جيدا فانك لم تتعامل مع المبرمجة بطريقة سليمة وان كنت اعلم انك قد اشتريت مبرمجة منذ فترة ولا اعرف كيف لم تكتشف طريقة التعامل الجيد معها .....
وانا اقول ان المبرمجة الخاصة بي والخاصة بالاخ امجد تتعامل مع جميع انواع فلاشة البوردة بالطبع ماعدا الفلاشات الحديثة الموجودة فى 945 وانا مستعد للنقاش حول اى فلاشة لم تستطيع حضرتك ان تتعامل معها ..

عموما الطريقة الخاصة بك وان كانت ناجحة بالطبع اذا كانت البوردة تعطى رسالة شحن بيوس او على الاقل تعطى على التيستر كود 41
ولا شىء اخر سوى ذلك
بالطبع لن اتكلم عن الامان فى طريقة الشحن بالفلوبى
ببساطة فكر فى الجملة التالية
اذا كانت البوردة تعطى كود FF
وبالتالى لا يوجد ربط بين الرامات ولا البروسيسور كيف يتم معالجة البيانات ونقل المعلومات من والى المعالج

وبالتالى تفشل عملية الشحن
لكن عندما تعطى البوردة رسالة شحن لاحظ على كارت التيستر ان الاكواد تمر بطريقة طبيعية حتى تصل الى الكود 41 يعنى بطريقة اسهل البوردة بتقراء الرامات وتدخل على الفيجا والبيوس فى الحالة دى بيفشل فى اتمام عملية الPost بطريقة كاملة فيرجع الى كود مخصص داخل البيوس فيعرض الرسالة
ويعطيك امكانية الشحن عن طريق الفلوبى او عن طريق الهارد كما قلت سابقا
....

لقد اخذ هذا الموضوع اكثر من اللازم واتمنى ان لا نكابر فية كثيرا
خصوصا ان الاخ profhoda لة سابقة لا تخفى على الكثير والتى اعتبرها بعد كتابة هذا الموضع انه فنى على دراية بالصيانة واعتقد ان المشاركة قد تم مسحها ويتكلم فيها عن اذا ما كان للمقاومة او المكيف البف اتجاة وبالطبع كان المقصود بذلك الاستخفاف بنا جميعا واعتقد ان هذا ما يحاول ان يفعلة مرة اخرى واتمنى ان يركز اكثر فى الصيانة وان يخدم الاخوة بطريقة لا يتعرض فيها لاى شىء من الثوابت وبالطبع هو يمكنة وبكل سهولة ان يضع لنا فيديو اذا ما كانت الطريقة ناجحة ام لا ....
وهنا ادعوا كل الاخوة ان يجربوا مسح فلاشة باى طريقة شاء
او حتى كتابة على الفلاشة بملف لموديل مختلف وتجربة كلام الاخ المحترم محمود ؟.

تحياتى للجميع ...

profhoda

05-07-2008, 05:28 AM

بسم الله الرحمن الرحيم
شكرا اخ صلاح على اهتمامك بالموضوع اولا انا لااستخف باى حد خصوصا بواحد زى صلاح السيد معظم من فى القرية يشهدون بانه خبير صيانة رائع ولكن انا احب اتناقش فى كل صغير وكبير والله اعلم اذا كان هذا عيب اوميزا فيا المهم
تقدر تقولى اخ صلاح عن الفلاشة m50 بتتشحن ازاى وليه الفلاشة v لا تاخذ معى اىدى والفلاشه التلاتة ميجا والاربعه ميجا لهم طريقه خاصه فى الشحن مش كل دى عيوب فى المكنة وبعدين 80 % من البورد الال جى ايه لا تدعمهم هذه المكنة كل دى عيوب وبعدين معنى كلامك انى كل يوم بقى انزل اشترى مكنة شحن عشان اشحن بيها الفلاشات اللى مبتتشحنش بالمكنة القديمة
ثانيا انت عارف الموقع اللى انا استعنت به وكان دليل على صحة كلامى ولو ترجمت الكلام اللى فى باللغه الانجليزية لوجدت انا هذه الطريقة تشحن البورد اللى قاطعه داتا بكفاءه عن طريق الملف الاوتوران اللى بيشحنها اوتوماتك ويجعلها تقرا البروسيسور والرمات والفيجا
اخ صلاح انت تعلم جيدا انا المكنة ماهى الا فكره حديثه فى الشحن وليس هى المعترف بها دوليا ولكن الفكرة التى شرحتها تستخدم دوليا وفى شركات الصيانة العملاقه للشح وهل تعتقد انه فى شركات الصيانة العملاقه يستخدمون هذه المكنه القليلة الامكانيات احنا ممكن نعتبر مكنة الشحن فكره لسه بتتبنى ولكن لسه منزلتش مكنة بالمواصفات اللى احنا عاوزنها عشان نستخدمها كاداه من ادوات الصيانة
شكرا اخ صلاح وارجو مناقشتى فى الاسئله الموجهه لك

mohammedhagag

05-07-2008, 05:55 AM

الله عليك يابوصلاح والله أستاذ ورئيس قسم
فمن الناحية النظرية والعملية فعلا كلام أخونا المهندس صلاح السيد سليم ومنطقى ومرتب بطريقة رائعة وكأنة كان يقرأ أفكارى
وطبعا مشكور أخونا المهندس محمود على موضوعة وإن كان كلام قديم شويتين وأغلب الرواد فى الصيانة يعرفون هذا الكلام وياما دقت على الراس طبول ذى مابيقولوا
وأخيرا لكم كل الود
أخوكم د/محمد حجاج

profhoda

05-07-2008, 06:12 AM

اخ محمد احنا مش فى متش اهلى وزمالك جرب الطريقه وانا هساعك وقولى النتيجه

الكوتش

05-07-2008, 06:40 AM

انا عايز اعرف ايه نتيجة الجدل ده
الى عايز يشتغل بالمبرمجه يشتغل والى مش عايز هو الخسران
ماتيجى يا استاذ محمد نفيد ونستفيد احنا مش مضيعين وقتنا على النت عشان ندخل فى مناقشات عقيمه .........
عايز تشاركنا يبقى بمشاركاتك وردودك على اسئلة الاعضاء
وشكرررررررررا للجميع

edeson2010

05-07-2008, 08:21 AM

بسم الله الرحمن الرحيم
السلام عليكم ورحمة الله وبركاتة

ارجو من الزملاء الا يتعارضون فى الرأى من خلال المجال التقنيى فلو نظرا للموضوع فالامر قابل للنقاش بين الطرفين سوء اذا كان من خلال الشحن من الدوس او من خلال الشحن من خلال المبرمجة
فلاداعى للقاء فى نقطة واحدة ولكن ننطلق الى الامام والفكر الجديد وهذا مانسعى الية ويسعى الية المنتدى باكملة وللجميع ارائهم التى تعلوا بهذا المنتدى ولكن ليس بالخلاف بيننا الى ان يصل لهذة الدرجة
واسف اذا تأذى احد من ردى من الاخوة المهندسين
وليوفق الله الجميع فيما يراة من صواب

Salah Elsayed

06-07-2008, 02:38 PM

السلام عليكم ورحمة الله وبركاتة

اخى الكريم محمود
سبق وان وضحت وانت تأكد كلامى جيدا بانك فعلا لم تتعامل جيدا على المبرمجة التى بين يديك وان كان هناك جزء فى الموضوع فهو من المكابرة فقط
بخصوص الفلاشات التى تتحدث بها احب اوضحلك
الفلاشة m50 لها قاعدة شاذة فى الدوائر التى تعمل على النظام 3 والذى اعتقد انه موجود لديك الان اما بالنسبة الى الدوائر المحدثة للسوفت وير الجديد لا يوجد بها مشكلة فى هذة الفلاشة
الفلاشات ال WINBOND والتى لا تعطى اId فاليك التالى كل الدوائر التى تتعامل بطريقة البارل لا تتعامل مع هذة الفلاشة الى بالاسلوب الذى تتعامل معه الداوائر الخاصة بنا وان كنت استطيع ان اجعلها تعطى Id كما فى الصورة
http://www5.0zz0.com/2008/07/06/13/475572075.gif (http://www.0zz0.com)

لكنها ستؤدى الى تحميل غير مرغوب فية وان كانت بدون id لا يوجد بها مشكلة وهو ما نريدة جميعا ...

الفلاشة ال3 ميجا لها طريقة على جميع انواع البروجرمرار المتوفرة فى مصر ولكل قاعدة شواذ
الفلاشة ال 4 ميجا لا يوجد بها مشاكل على الاطلاق
ودى نظم فى شحن الفلاشات نفسها ويحسب للبروجرامر انه بيتعامل مع الفلاشات دى ولو باسلوب مختلف دة حتى فى الطريقة بتاعتك بتختلف بين ال ami وال award ومطلوب من فنى الصيانة انه يعرف من الاكواد ان الفلاشة دى award ولا phonix ولا ami الى هى طريقة اسكى كود ...
وطبعا عشان تحل المشكلة دى هتقلى البوردة عليها استيكر ...
وانت عمرك ماجالك بوردة موش عليها استيكر هتقلى ادخل نت وشوف الملف الى الموقع بيقولك فية البوردة دى شغالة باى نظام ياة انت كدة دوختنى انا شخصيا الى المفروض فاهم يعنى اية بايوس مابالك بقى بالمبتدىء
وضيعت وقت على النت عشان تعرف نوعها اية وكدة انت ضيعت وقت المحترف
فى حاجة تانية فى بورد موقعها اتقفل يعنى انسى انك تعرف انها award ولا ami

ولا انت ناوى تجرب والسلام وزى ما تيجى تيجى (صعب صح )

دوائر الشحن ليست بفكرة جديدة على حد علمى
واسأل اقدم واحد فى منطقك هيقلك يا اخى روح اشحن النخيلى :D
واعتقد ان لازم يكون فى مكنة شحن عشان المصانع الى بتصنع البورد تشحن عليها البورد بتاعتها ......؟!!!!!
اذن دوائر الشحن منذ فجر التاريخ ( معلش اصل فلم الناظر معلق معايا بقى )

بخصوص القليلة امكانيات
انا لم ادعى ان الدوائر المتوفرة فى السوق هى افضل دوائر
لكن معاك 2000 دولار وانا اجبلك مكنة شحن طيارة وبتشحن الى انت عاوزة والى انت كمان موش عاوزة
احنا بنتكلم فى امكانيات الناس الى شغالة معانا فى الصيانة
وتقديمى لدوائر الشحن لانى فى الاساس فى شغلى كنت شغال بالهوت فلاش والعملية زى ما الكل عارف مرهقة قد اية ومن هنا احتياجاتى فرضت عليا ادور على دائرة اخلص بيها شغلى

بخصوص 945 عاوز تشحن بالطريقة بتعاتك موش هتنفع الا اذا كانت البوردة بتديلك رسالة بايوس غير كدة لا
واحنا قريبا ان شاء الله الحل النهائى هينزل السوق

الموقع الى حضرتك ناقل منه الطريقة لم يتم تحديث صفحاتة منذ عام 2006
والموقع بيقدم خدمة شحن الفلاشات على النت يعنى تبعت الفلاشة وهما يشحنوها ( طيب ازاى الطريقة بتاعتهم الى هما شرحوها للناس كلها الناس موش واخدة بالهم من الطريقة العبقرية دى وبيبعتوا الفلاشات بتاعتهم تتشحن هناك غريبة موش كدة ...!!!)

يرضوا احنا لسة مستنين الفيديو بتاع حضرتك موش هيكلف كتير
اى موبايل فية كاميرا نضيفة شوبة هيحل المشكلة....؟
اعتقد كدة انى رضيت على كل استفساراتك كلها .؟.؟
ولو فى حاجة تانية اعذرنى موش هرد عليها الا لما اشوف الفيديو
على الاقل نورى الناس تعبك فى الموضوع ومجهودك فى الاثبات ..

EN.SaMeH

06-07-2008, 03:01 PM

بسم الله والصلاه والسلام على رسول الله محمد عليه افضل الصلاه والسلام

كاتب الموضوع ,,

الكثير يعلم ان الطريقه التى ذكرتها بالموضوع تنجح ولاكن فى حالات قليله ذكرها مهندس/ صلاح السيد فى مشاركته..
اما بالنسبه لدائره الشحن
الكثير منا يستعمل دائره الشحن وانت ايضا تستعملها ولاكن من الواضح انك لا تتقنها ... انا اعمل بيها منذ فتره ومحصلشى ان واجهتنى اى مشكله من اللى انت ذكرتها مع اى فلاشه والحمد الله ( بتشحن بكفائه )

على العموم ننتــظر منك ملف الفيــديــو

مهندس منعم

06-07-2008, 03:44 PM

فكرة جميلة انما تنفيذ عملى غير كافى اخ محمود فكرتك جميلة انما المبرمجة هى الافضل وانت تعلم ذلك
اخوك منعم

البروفيسور

06-07-2008, 05:01 PM

بصراحة وبدون مجاملة لأحد أنا اشتغلت على الطريقتين ووجدت أن طريقة الشحن بالمبرمجة ليس لها مثيل ولا تقارن أصلاً بطريقة الشحن على البورد وهى الطريقة الأفضل على الإطلاق حتى الآن وهذا رأييى وأعتقد أنه رأي معظم مهندسين الصيانة المحترفين

profhoda

07-07-2008, 02:14 AM

بسم الله الرحمن الرحيم
اخ صلاح انا اعلم جيدا جابات الاسئله اللى انا سالتهالك والا مكنتش سالتها ولكن هل حد فى القرية يعلم هذه الاجابات وهى شواذ الشحن بالمبرمجة لانى فعلا ملقيتش فيها اى مواضيع
دى حاجه والحاجه التانيه البورد الال جى ايه هى اهم بورد فى الصيانة وهى لانتشارها فى السوق وطالما المبرمجه مش بتدعمهالى يبقى ايه فايدتها لما تنزل ان شاء الله طريقة شحنها يبقى ممكن اقولك الناس تفكر تقتنيها
دى حاجه الحاجه التانيه انت ليه اخ صلاح دايما بتهجمنى كده انا عارف ان مكنة الشحن تخصك وكده وانت اللى بتبعها بس انا بحاول اسهل على الناس زى مانت بتحاول وعلى العموم وصلتنى رسالتك واوعدك انى مش هكمل الموضوع

EN.SaMeH

07-07-2008, 04:43 AM

بسم الله الرحمن الرحيم
اخ صلاح انا اعلم جيدا جابات الاسئله اللى انا سالتهالك والا مكنتش سالتها ولكن هل حد فى القرية يعلم هذه الاجابات وهى شواذ الشحن بالمبرمجة لانى فعلا ملقيتش فيها اى مواضيع

بسم الله والصلاه والسلام على رسول الله محمد عليه افضل الصلاه والسلام

أولاً مش عيب انك تسال سؤال انت مش عارف اجابته لأنى احنا هنا بالقريه بنكمل بعض ومحدش بيعز على حد معلومه , بالنسبه لشواذ المبرمجه كثير منا يعلمها وقد طرحت فى اكثر من موضوع ومشاركه بالقريه ..

والحاجه التانيه البورد الال جى ايه هى اهم بورد فى الصيانة وهى لانتشارها فى السوق وطالما المبرمجه مش بتدعمهالى يبقى ايه فايدتها لما تنزل ان شاء الله طريقة شحنها يبقى ممكن اقولك الناس تفكر تقتنيها

المبرمجه لا تدعم ايسهات الـ 945 وليس ال LGA

بالنسبه لطريقه شحنها معروفه لدى الكثير مننـا وهى طريقه مؤقته لحين وجود دائره خاصه بهذا الاى سى ولاكن فعاله والحمد الله ,,

الحاجه التانيه انت ليه اخ صلاح دايما بتهجمنى كده انا عارف ان مكنة الشحن تخصك وكده وانت اللى بتبعها بس انا بحاول اسهل على الناس زى مانت بتحاول وعلى العموم وصلتنى رسالتك واوعدك انى مش هكمل الموضوع
أولاً لك الشكر على طرحك للموضوع والموضوع حتى الأن مفتوح للنقاش وبدون هجوم من اخونا صلاح السيد , كثير منا رد على موضوعك ومشاركاتك ولكنك تجاهلت هذه الردود ,,
وعلى العموم وصلتنى رسالتك واوعدك انى مش هكمل الموضوع

لقد قمت بفتح باب النقاش مع الأخوه ,, نرجو تكمله الموضوع وتذكر ان كانت
تكمله الموضوع ستعود بالفائده على اعضاء وزوار القريه سيجعل الله هذا فى ميزان حسناتك

ننتظر تكمله الموضوع

م/ســامح

Salah Elsayed

07-07-2008, 09:07 PM

noorzezo

07-07-2008, 10:58 PM

السلام عليكم

اولا مجهودك وقتك نشكرك جدا عليهم

ثانيا ........... جارى التجربه ومن ثم الرد

تحياتى

م/احمد محمود

07-07-2008, 11:39 PM

السلام عليكم ورحمة الله وبركاتة

اخى الكريم
شواذ دوائر الشحن فقط لمن يمتلك الدوائر اذا كنت اشتريت دائرة شحن من اى شخص فعلية ان يدربك عليها ودة اقل شىء يقدمة لك وانت كنت اشتريتها منى انا شخصيا ولم ادربك عليها فلك كل الحق
ولكن على حد علمى لم تشتريها منى

قفل الموضوع وعدم تكملتة من طرفك انت الان وكلنا هنا للنقاش لفائدة الاخوة
ومناقشتى ليست هجوما وانما عنوان موضوعك هو اساس الهجوم
كاان من الممكن ان يكون الموضوع باسم اخر
مثلا طريقة اخرى للشحن للغير قادر على شراء المبرمجة
وكانت مناقشتك انت هى الهجوم فى الاساس
وانت طبعا فاكر مين الى بدأ بالهجوم وبالطبع الاخوة اقدر على تحديد ذلك

واخيرا برضوا انا مستنى منك الفيديو عشان الاخوة الى ميقدرش يشترى دائرة شحن يقدر ولو محاولة انه يفهم الطريقة الى حضرتك وضعتها وتكون فعلا قدمت حاجة مفبدة
تحياتى للجميع ...
السلا م عليكم
اخى م/ صلاح اخبارك اية اولا تمام
بالنسبة لموضوع الاخ محمود فهو موضوع اكثر من ممتاز دة رأى الشخصى
لانها تجربة جديدة وكلنا نبحث عن ذلك
اما بالنسبة انها تكون وجهة مقارنة بينها وبين دائرة الايبروم لايوجد اى وجهة مقارنة
الايبروم افضل بكثير
وبغض النظر انه اشترى الدائرة من مين وعلمه عليها او لم يعلمه وباين اوى اخ صلاح ان الاخ محمود فنى فاهم فى هذا الامر وبصراحة المناقشة
ممتعة بينكم لانكم تتناقشو فى حدود الموضوع
وتحياتى للجميع

profhoda

08-07-2008, 06:34 AM

بسم الله الرحمن الرحيم
اولا احب اشكر الاستاذ احمد محمود استاذ الهاردوير والصيانة فى القرية على هذه المشاركة اللطيفه ومجرد مشاركته فهى وسام على صدرى افتخر به
واحب ايضا ان اعبر عن اسفى للبشمهندس صلاح السد اذا كان مضايق منى او حاجه زى كده بس انا بطلب منك يا بشمهندس صلاح ان تجرب الطريقه فقط حاول ان تجرب ولو وقفت معاك حاجه انا تحت امرك واظن ان الشرح واضح وانت لا تحتاج لملف فيديو لتجرب ولا ايه يا بشمهندس و مكنة الشحن مش محتاجه تدريب فهى فى غايه السهوله وشواذ الشحن ممكن تكتب موضوع عنهم يا بشمهندس ليتعلم الجميع وتعم الفائده علينا جميعا ولا لازم ناخد كورس عند حضرتك وانا مغلطش فى المبرمجه انا عن نفسى من اوائل الذين استخدموا المبرمجه ومعايا بدل الواحده تلاته وافضلهم المبرمجه بتاعة المهندس امجد
انا فقط بطرح الطريقة التى شرحتها والموضوع مفتوح للمناقشة ولكن جرب الاول ياباشا .ومش هتندم صدقنى

aswan1

11-07-2008, 12:20 AM

طب كان لية من الاول الهجوم على المهندس صلاح ولما انتا عندك 3 مكنات شحن بتعيب فيها لية انتا كدة بتضل اى حد مش فاهم اوجديد مش كدة ولا اية
وتكتب وداعا مكنة الشحن
حاجة غريبة جدا
الافادة مش بالجدل

mohammedhagag

12-07-2008, 09:28 AM

ياأخ محمود الموضوع مش مسألة ماتش الموضوع مسألة علم ولو قرأت مشاركتى جيدا كنت عرفت إن الموضوع مش جديد وكل رواد الصيانة عارفينة كويس وبعدين لما أحتاج منك مساعدة صدقنى هكون أول من يطلبها والمساعد ربنا
ولعلمك ياحودة أخوك بقالة عشرين سنة فى المجال دة
فأسلوب الحوار ياريت نرتقى بية أحسن من كدة لأن فى المقام الأول الغرض الإفادة
وجزاكم الله خيرا
أخوكم د/محمد حجاج

profhoda

12-07-2008, 12:28 PM

انا قولت انا امتلك 3 مكنات شحن لانى لازم اجرب كل حاجه عشان اقدر اتكلم وارد لكن انا عن نفسى شغال بالطريقة اللى انا شرحتها وناجحه معايا ميه فى الميه وانا مهجمتش بشمهندس صلاح وناما اتنقشت معاه مناقشه شريفة ويارب يكون الجميع استفاد من المناقشه