ممكن اسئله الانترفيو المتوقعه فى توشيبا العربى

[م هبة الله]

السلام عليكم
ممكن طلب ضرورى
عاوزة اعرف ايه ال ممكن اتسئل فيه فى انترفيو توشيبا العربى
انا تخصصى الكترونيات واتصالات
يا ريت تقوليلى ازاكر ايه لانى مش عارفه ابدا منين ؟؟ وهتسئل فى ايه ؟؟؟
وجزاكم الله خيرا
دمتم بخير

[kingmido]

م/هبة تقبلى خالص تحياتى
اهم شىء فى الانترفيو عموما هو ان تكونى عندكى ثقة كبيرة جدا بنفسك وان تحاولى اقناع من امامك فى مفهومك ووجه نظرك واهم شىء تماما انك متقوليش كلمة "مخدناش الحتة دى" لانهم بيكرهوها تماما فأهم شىء ممكن مراجعتة فى ذلك الموقف هو الترانزستور بانواعة بتفاصيلة + operational amplifier
فهذة الاشياء هما عصب الاكترونيات ثم بعد ذلك معرفة المكونات بكافة انواعها معرفة عامة وفيما تستخدم وياريت طالما شركة توشيبا يبقا ياريت تراجعى على انولع الترانسفورمر وطريقة عملها وانواعها وخصوصا fly back transformer لأنة المستخدم فى التليفزيون فهذة هى اهم اشياء فى الانترفيو بأذن الله ولكن هناك طلب منى لو سمحت انا نفسى اخد تدريب فى شركة توشيبا فياريت لو حضرتك تعرفى اية هى الطلبات وهل ينفع اخد تدريب ولا مينفعش فاية هى الشروط واية هيا المواعيد وانا اسف انى بطلب حاجة بس انا فعلا محتاج التدريب ضرورى جدا
انا اسمى محمد محمود(بندق) ت/0118595040 ايميل (ياهو) : mdio_mm770
اخوكى/محمد محمود(بندق)

[م هبة الله]

السلام عليكم
شكرا جزيلا بشمهندس
انا بحاول اجمع فى الحاجات ان شاء الله

واما بخصوص طلب حضرتك
انا مش عارفه حضرتك طالب ولا خريج
لانك لو طالب ( بتكتب طلب للكليه بانك هتعمل تدريب فيها "تدريب صيفى " وبتدويه فى الفرع ال فى بنها
المصنع بياخد الطلب ده وبيقوللك على الميعاد ال هتدرب فيها
وبصراحه انا مش فاكرة اوى تدويها الكليه الاول والا المصنع
بس ممكن تسال الكليه فى قسم الشئون وهما هيقولك تعمل ايه بالظبط
لان ادربت فى المصنع ال فى بنها " تدريب صيفى " وانا طالبه
والصراحه تدريب ممتاز
وبالتوفيق

[kingmido]

ربنا يكرمك يا بشمهندسة هبة بس انا عايز اوضح انى انا طالب فى سنة تانية اتصالات والكترونيات بس المشكلة انى انا فى اكاديمية طيبة والاكاديمية دى موجودة فى القاهرة فأعتقد ان بنها هتبقا بعيدة جدا عليا فياريت تقوليلى التدريب عبارة عن اية بالظبط عشان لو انا حسيت انو هيبقا مفيد بالنسبالى هبقا اروح ومش مهم المكان بعيد أو قريب وكمان انا كنت عايز اعرف انتى بتدفعو فلوس فى التدريب ولا لاء عشان انا الصراحة منزلتش اى تدريب قبل كدة فياريت حتى لو تعرفى تجيبيلى اى تليفون عشان ابقا اتصل بيهم يبقا جزاكى الله خيرا وان شائ الله ستأخذيهم حسنات يوم القيامة وتقبلى خالص تحياتى
اخوكى/محمد محمود (بندق)

[م هبة الله]

السلام عليكم
التدريب بيكون على حسب تخصصك
يعنى انت اللكترونيات
فكانوا بيدربونى فى قسم تركيب التليفزيون بمراحله
وكان التدريب شهر
والصراحه ممتاز
والمهندسين فيه محترمين جدا ومتعاونين
واى حاجه بتحتاجها بيقوللك عليها
والمعامله ممتازة كمان
اما حكايه الفلوس
مش هكدب عليك هما كانوا بيقول التدريب الاسبوع الواحد ب 25 جنيه
بس انا مدفعتش وال كان معايا بنات وولاد مفيش حد دفع ولا مليم
يعنى تقريبا الفلوس كانت مجرد كلام وبس

وفيه على فكرة تدريب فى المصنع الحربى ( بس نصيحه بلاش ) ( نايم اوى والمعامله الصراحه مش تمام )
انا حتى جالى فيه شغل وسبته عشان بجد المعامله مقرفه

وربنا معاك
دمتم بخير

[kingmido]

شكرا اختى هبة بس ياريت لو فيها رخامة لو معاكى اى رقم للشركة عشان اتصل عليهم عشان اعرف التفاصيل وجزاكى الله خيرا على معلومة المصنع الحربى
اخوكى/محمد محمود (بندق)

[marwaallam]

لو سمحتم محدش يعرف انترفيو مهندسسين الاتصالات فى الهيئة العربيه للتصنيع ايه علشان عندى انترفيو ياريت لو حد يعرف يرد عليه رجاء الرد ضرورى اوى وشكرا

[marwaallam]

المشاركة الأصلية كتبت بواسطة marwaallam

لو سمحتم محدش يعرف انترفيو مهندسسين الاتصالات فى الهيئة العربيه للتصنيع ايه علشان عندى انترفيو ياريت لو حد يعرف يرد عليه رجاء الرد ضرورى اوى وشكرا

ارجوا لو حد يعرف انترفيو مهندسيين الاتصالات الهيئة العربيه للتصنيع مصنع صقر يرد